Արդշինբանկը՝ Հայաստանի տնտեսության շարժիչ ուժ

Արմինֆո. Ամփոփելով 2025թ․ առաջին կիսամյակը` Արդշինբանկը կրկին հրապարակում է կայուն և ուժեղ ֆինանսական ցուցանիշներ՝ վերահաստատելով իր դիրքը որպես երկրի առաջատար ֆինանսական հաստատություններից մեկը։

2025թ․ առաջին կիսամյակի արդյունքներով Արդշինբանկի կապիտալը գերազանցել է 386 մլրդ ՀՀ դրամը: Այսպիսով, Արդշինբանկը դարձել է առաջին ու դեռևս միակ ընկերությունը Հայաստանում, որի կապիտալը անցել է 1 մլրդ ԱՄՆ դոլարի շեմը:

Բանկի ակտիվները կազմել են 2,4 տրիլիոն ՀՀ դրամ (համակարգի ակտիվների 20%-ից ավել), զուտ շահույթը գերազանցել է 68 մլրդ ՀՀ դրամը: Բանկի կապիտալի շահութաբերությունը կազմում է 41%, ինչը գերազանցում է համակարգի միջին ցուցանիշը 18.4 տոկոսային կետով։ 2025թ․ հունիսի 30-ի դրությամբ Բանկի վարկային պորտֆելը կազմել է 1,3 տրիլիոն ՀՀ դրամից ավել։

«Բանկի արձանագրած ցուցանիշները և վարկային պորտֆելի կայուն աճը հնարավորություն են տալիս հավատարիմ մնալու մեր առաքելության կարևորագույն հիմնասյուներից մեկին՝ նպաստել ազգային տնտեսության զարգացմանը, քանի որ մեր պորտֆելում գերակշռում է երկրի տնտեսական զարգացման համար ռազմավարական ճյուղերի վարկավորումը։ Մյուս կողմից, ֆիզիական անձ հաճախորդների համար հատուկ մշակված հաճախորդամետ պրոդուկտներ առաջարկելու միջոցով մենք նպաստում ենք հասարակության բարեկացության մակարդակի բարձրացմանը:

Առաջիկայում Արդշինբանկը շարունակելու է իր կայուն զարգացման ռազմավարությունը՝ ամրապնդելով համագործակցությունը միջազգային ֆինանսական կառույցների հետ և ամուր հիմքեր ստեղծելով Բանկի, տնտեսության և երկրի մակարդակով երկարաժամկետ և կայուն ծրագրերի իրականացմանը»,- նշեց Արդշինբանկի Վարչության նախագահ Արտակ Անանյանը։ 

2025թ․ հունիսի 30-ի դրությամբ Արդշինբանկի հաճախորդների թիվը կազմում է շուրջ 570 000, որոնց սպասարկում են բանկի՝ 2 300-ից ավելի աշխատակիցներ Հայաստանի ողջ տարածքում գործունեություն ծավալող 72 մասնաճյուղերի միջոցով։ Բացի մասնաճյուղերում սպասարկվելու հնարավորությունից, բանկը իր հաճախորդների բոլոր խմբերին առաջարկում է իրենց կարիքներին համապատասխանեցված ճկուն և ապահով հեռահար ծառայությունների ամբողջական փաթեթ։