Հայաստանի միջազգային պահուստները մինչեւ 2025թ. հուլիս աճել են տարեկան 21%-ով՝ մինչեւ 4.047 մլրդ դոլար

Արմինֆո. Հայաստանի համախառն միջազգային պահուստները մինչեւ 2025թ. հուլիս աճել են տարեկան 21%-ով կամ 693.2 մլն դոլարով՝ մինչև 4.047 մլրդ դոլար, մինչդեռ, մեկ տարի առաջ գրանցվել էր 14.2% կամ 555 մլն դոլարով անկում: Այսպիսով, ՀՄՊ-ն սկսել են մոտենալ 2023թ. օգոստոսին գրանցված 4.2 մլրդ դոլար պատմական առավելագույնին: Այդ մասին են վկայում ՀՀ Կենտրոնական բանկի տվյալները:

Դրանց առյուծի բաժինը՝ 4.045 մլրդ դոլարը, բաժին է ընկնում արտաքին ակտիվներին, իսկ SDR-ի մասնաբաժինը ԱՄՀ-ում կազմել է 1.7 մլն դոլար: Հարգավորիչի հաշվետվության համաձայն, տարեկան կտրվածքով (2025թ. հունիսին՝ 2024թ. հունիսի նկատմամբ) արտաքին ակտիվներն աճել են 21% - ով, իսկ SDR-ի մասնաբաժինը ԱՄՀ-ում նվազել է 77,3% - ով, այն դեպքում, երբ մեկ տարի առաջ երկու ցուցանիշներն էլ անկման մեջ էին, համապատասխանաբար, 14,2% և 13,4%:

2025թ. առաջին կիսամյակում ՀՄՊ-ն աճել են 10% - ով կամ 363.2 մլն դոլարով (2024թ. առաջին կիսամյակի 7%-ով կամ 247.7 մլն դոլարով անկման դիմաց)։ Դա պայմանավորված էր արտաքին ակտիվների 10% - ով համանման աճով, ինչին զուգահեռ նկատվել է ԱՄՀ-ում SDR-ի մասնաբաժնի 12,1% - ով անկում: Մեկ տարի առաջ՝ 2024թ. առաջին կիսամյակում, ՀՄՊ-ի բաղադրիչների դինամիկան նույնպես տարբեր ուղղվածության էր, բայց այն ժամանակ անկման մեջ էին արտաքին ակտիվները  (7,1%), իսկ ԱՄՀ-ում SDR-ի մասնաբաժինը զգալի աճ էր ցույց տվվել (15,4 անգամ)։

2025թ. 2-րդ եռամսյակում ՀՄՊ-ի դինամիկան պահպանել է աճ՝ տեմպերի 6,6% - ից մինչև 3,1% դանդաղմամբ, այսինքն, բացարձակ արտահայտությամբ այդ ցուցանիշն աճել է 121.3 մլն դոլարով՝ 1-ին եռամսյակում 241.9 մլն դոլարի աճից հետո։ Դա ուղեկցվել է արտաքին ակտիվների աճի նույնպիսի արգելակմամբ՝ 6,6 տոկոսից մինչեւ 3,1 տոկոս, ԱՄՀ-ում SDR-ի մասնաբաժնի միտման հակառակ ուղղությամբ շրջադարձի դեպպքում՝ 15,2 տոկոս անկումից մինչեւ 3,6 տոկոս աճ։ Մեկ տարի առաջ՝ 2024թ. 2-րդ եռամսյակում, ՀՄՊ-ի դինամիկայի բարելավում էր արձանագրվել՝ 8,3% անկումից մինչև 1,5% աճ, ի հաշիվ արտաքին ակտիվների թրենդի նույնպիսի շրջադարձի՝ 8,5% անկումից դեպի 1,5% աճ՝ ԱՄՀ-ում SDR մասնաբաժնի թրենդի վատթարացման՝ 18 անգամ աճից մինչև 19,1% անկում։

Ընդ որում, միայն 2025թ. հունիսին ՀՄՊ-ը 0,5% անկումից հասել են 4% աճի՝ բացարձակ արտահայտությամբ աճելով 150,8 մլն դոլարով։ Ընդ որում, արտաքին ակտիվների աճն արագացել է մայիսի 0,5%-ից մինչև հունիսի 4,4%։ Ընդ որում, ԱՄՀ-ում SDR-ի մասնաբաժինը դանդաղել է՝ տեմպերի արագացմամբ ՝ մայիսի 66,6 տոկոսից մինչեւ հունիսի 91,3 տոկոս: Մեկ տարի առաջ՝ 2024 թվականի հունիսին, նկատվել էր ՀՄՊ-ի աճի արագացում՝ 0,9%-ից մինչև 4,2% (կամ 136,3 մլն դոլարով), որին աջակցում էր արտաքին ակտիվների աճի համանման արագացումը՝ 0,7%-ից մինչև 4,6%՝ ԱՄՀ-ում SDR-ի մասնաբաժնի միտման 94,4% աճից մինչև 58,3% անկում վատթարացման պայմաններում։