Ադամանդի եւ ոսկու վերաարտահանման գործոնի չեզոքացումը մեծապես նվազեցրել է Հայաստանի արտաքին առեւտրաշրջանառությունը

Արմինֆո. Հայաստանի արտաքին առևտրում թանկարժեք մետաղներին և քարերին  առնչվող գործարքները 2025 թվականից սկսել են նվազել ՝ առաջին կիսամյակում ընդհանուր ծավալում կազմելով 25% (2.4 մլրդ դոլար)՝ մեկ տարի առաջվա 64% - ի (11.7 մլրդ դոլար) դիմաց։ Ապրանքների այդ խումբը վճռորոշ դեր է խաղացել երկրի արտաքին առևտրաշրջանառության տարեկան դինամիկայի վատթարացման գործում, որը 2 անգամ աճից իջել է մինչև 45 տոկոս անկում։

Ըստ ՀՀ վիճակագրական կոմիտեի տվյալների՝ 2025 թվականի առաջին կիսամյակում թանկարժեք մետաղների և քարերի ներմուծման և արտահանման մասնաբաժինը ընդհանուր առևտրաշրջանառության մեջ նվազել է, համապատասխանաբար, մինչև 19% և 35%, մինչդեռ, նախորդ տարվա նույն ժամանակահատվածում այն կազմել է 58% և 71%։

Ըստ ծավալների՝ հաշվետու ժամանակահատվածում ներմուծվել է 1.1 մլրդ դոլարի այդպիսի արտադրանք, և արտահանվել 1.3 մլրդ դոլարի. մեկ տարվա ընթացքում դրա ներմուծումը նվազել է 78.8% - ով, իսկ արտահանումը՝ 77% - ով։