«Հայաստանի էլեկտրական ցանցեր» ՓԲԸ հայտարարում է աշխատանքի անվտանգության պարագաների ձեռք բերման նպատակով շուկայի նախնական ուսումնասիրություն կատարելու մասին

Արմինֆո. «Հայաստանի էլեկտրական ցանցեր» ՓԲ ընկերությունը իր բնականոն գործունեությունը ապահովելու և ստանձնած պարտավորությունները կատարելու նպատակով նախատեսում է կազմակերպել գնման բաց մրցութային գործընթաց աշխատանքի անվտանգության պարագաների (չափիչ ակցաններ, դիէլեկտրիկ պարագաներ, գոտիներ, շարժական հողանցումներ, լարման ցուցիչներ և այլն) ձեռք բերման համար:

«Ընկերության կողմից նախաձեռնվող մրցութային գործընթացի օբյեկտիվությունը, ներառականությունը և թափանցիկությունը ապահովելու նպատակով նախատեսվում է իրականացնել շուկայի նախնական ուսումնասիրություն, կատարել գնահարցումներ և ոլորտի հնարավոր լայն շրջանակի տնտեսավարող սուբյեկտներից ստանալ գնառաջարկներ:

Գնահարցումներ կատարելու նպատակով Ընկերությունը առաջարկում է մասնակցության ցանկություն կամ հետաքրքրվածություն դրսևորող իրավաբանական անձանց և անհատ ձեռնարկատերերին մինչև սույն թվականի սեպտեմբերի 4-ը ներառյալ ստորև նշված էլեկտրոնային փոստի հասցեով ներկայացնել կազմակերպության կամ անհատ ձեռնարկատիրոջ անվանումը, կոնտակտային հեռախոսահամարը և էլեկտրոնային փոստի հասցեն:

Սահմանված ժամկետի ավարտից հետո գնահարցման հետագա գործընթացը ապահովելու նպատակով Ընկերության ներկայացուցիչը կապ կհաստատի բոլոր այն տնտեսավարող սուբյեկտների հետ, որոնք շահագրգռված են մասնակցելու ծանուցմամբ նշված գործընթացին:

Հասցեն՝ Ա. Արմենակյան 127:  Էլ. փոստ: [email protected]: Հեռ.՝ 011-59-13-73: Ընկերության ներկայացուցիչ՝ Մերի Ասիլյան», - ասվում է ընկերության հաղորդագրությունում: