Հայկական ԱԷԿ-ը կստանա 2024 թվին  չստացած 1 մլրդ 35 մլն դրամ վարկը

Արմինֆո. Հայկական ԱԷԿ-ը 2025 թվականին կստանա 2024 թվականին չստացված 1 մլրդ 35 մլն դրամ վարկային միջոցները։ Այսպիսով, ԱԷԿ-ի շահագործման ժամկետի կրկնակի երկարաձգման ծրագրի իրականացման համար բյուջետային վարկն ընթացիկ տարում կկազմի 13,5 մլրդ դրամից մի փոքր ավելի: Համապատասխան որոշումն ընդունվել է սեպտեմբերի 4-ին կառավարության նիստում։

Որոշման նախագծի հեղինակները՝ ի դեմս Տարածքային կառավարման և ենթակառուցվածքների նախարարության, հիշեցրել են, որ 2020 թվականի հունիսի 11-ին Հայկական ԱԷԿ-ի երկրորդ՝ գործող էներգաբլոկի ծառայության ժամկետը մինչև 2036 թվականը երկարաձգելու աշխատանքների իրականացման համար ՀՀ կառավարությունը որոշում է ընդունել կայանին 63,2 մլրդ դրամ (164 մլն դոլարից մի փոքր ավելի) բյուջետային վարկ տրամադրելու մասին, որից 18,7 մլրդ դրամը՝ 2020 թվականին, 25 մլրդ դրամը՝ 2021 թվականին, 7 մլրդ դրամ՝ 2024 թվականին, եւ 12,5 մլրդ դրամ՝ 2025   թվականին:

Նշված 7 մլրդ դրամից 1 մլրդ 35 մլն դրամ 2024 թվականին տրամադրվել է "Հայաստանի բարձրավոլտ էլեկտրացանցեր" պետական ձեռնարկությանը՝ Իրան-Հայաստան նոր էլեկտրահաղորդման գծի և համապատասխան ենթակայանի կառուցման ընթացքում ծագած ֆինանսական խնդիրները լուծելու համար (նոր գծի վրա ենթակայանի կառուցման ժամանակ այնտեղից գողացել էին տրանսֆորմատորները, և հայկական կողմը իրանցի կապալառուին վարկ էր տրամադրել նորերը գնելու համար)։

Այդ առնչությամբ առաջարկվում է փոփոխություններ կատարել կառավարության ավելի վաղ ընդունած որոշման մեջ և 2024 թվականի 7 մլրդ դրամի փոխարեն նշել 5,965 մլն դրամ, իսկ 2025 թվականի 15,5 մլրդ դրամի փոխարեն ՝ 13,535 մլն դրամ։ Այսպիսով, ընթացիկ տարում ԱԷԿ-ը կստանա 2024 թվականին չստացած 1 մլրդ 35 մլն դրամը։