Արմինֆո. Հայաստանի ԱԳՆ-ն արձագանքել է ռուսական ՏԱՍՍ գործակալության հրապարակմանն այն մասին, որ Պակիստանը մտադիր է Հայաստանը ճանաչել որպես ՄԱԿ անդամ պետություն, ինչի շնորհիվ "կանաչ լույս" կստանա Եվրասիական տնտեսական միությանը (ԵԱՏՄ) անդամակցելու համար:
ԱԳՆ մամուլի քարտուղար Անի Բադալյանը "Արմենպրես"- ի հարցմանն ի պատասխան, մասնավորապես, ասել է. «Անտեղյակ աղբյուրներին տեղեկացնում ենք, որ Հայաստանի և Պակիստանի միջև արդեն իսկ հաստատվել են դիվանագիտական հարաբերություններ՝ ՄԱԿ-ի կանոնադրության հիմնարար սկզբունքներին համահունչ: Համապատասխանաբար, «ՄԱԿ-ում ճանաչման» խնդիր օրակարգում, բնականաբար, չկա:
Մեր կողմից հաղորդակցությամբ արդեն տեղեկացրել ենք, որ երկու երկրները, զարգացնելով երկկողմ համագործակցություն, կքննարկեն նաև բազմակողմ հարթակներում փոխգործակցությանն առնչվող հարցեր, դա լինի ՇՀԿ, թե ԵԱՏՄ կամ փոխադարձ հետաքրքրություն ներկայացնող այլ կառույց»,- ասել է Բադալյանը:
Ավելի վաղ ՏԱՍՍ-ը, հղում անելով ՄԱԿ աղբյուրներին, հաղորդել էր, թե Պակիստանը մտադիր է Հայաստանը ճանաչել որպես ՄԱԿ անդամ երկիր, ինչի դիմաց կանաչ լույս կստանա Եվրասիական տնտեսական միությանը (ԵԱՏՄ) միանալու համար: "Պակիստանն իրոք ծրագրում է դա անել, և, որպես պատասխան քայլ, կոնսենսուս ստանալ ԵԱՏՄ-ին միանալու հարցի շուրջ", - ասել է գործակալության զրուցակիցներից մեկը ՄԱԿ-ում:
Մեկ այլ դիվանագիտական աղբյուր նշել է, որ համապատասխան ընթացակարգերը կարող են տևել մի քանի շաբաթից մինչև մի քանի ամիս: "Ամեն դեպքում, դա տեսանելի հեռանկար է", - հավելել է ՏԱՍՍ-ի զրուցակիցը: Նա նաև ընդգծել է, որ Հայաստանի և Ադրբեջանի հաշտության պայմանագիրն այդ հարցում որևէ խոչընդոտ չի թողել:
Ուշագրավ է, որ Հայաստանի ԱԳՆ մամուլի քարտուղարի մեկնաբանությունն, ըստ էության, ոչ մի կերպ չի հերքում ԵԱՏՄ-ին Պակիստանի հնարավոր անդամակցության փաստը:
Օգոստոսի 31-ին ՀՀ ԱԳ նախարար Արարատ Միրզոյանը և նրա պակիստանցի գործընկեր Իսհակ Դարը հանդիպել են Չինաստանում Շանհայի համագործակցության կազմակերպության գագաթնաժողովի հարթակներում։ Բանակցությունների արդյունքում երկու երկրների արտգործնախարարները ստորագրել են դիվանագիտական հարաբերությունների հաստատման մասին կոմյունիկե:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%