Արմինֆո. ՊԵԿ նախագահ Էդուարդ Հակոբյանը հյուրընկալել է Իրանի Իսլամական Հանրապետության դեսպան Մեհդի Սոբհանիին, ով ավարտում է իր դիվանագիտական առաքելությունը Հայաստանում։
ՊԵԿ հաղորդագրության համաձայն, հանդիպման ընթացքում քննարկվել են փոխադարձ հետաքրքրություն ներկայացնող կարևոր հարցեր՝ առանձնահատուկ շեշտադրելով մինչ այժմ իրականացված քայլերը և նախանշելով դրանց շարունակական զարգացման ուղիները։
ՊԵԿ նախագահը շնորհակալություն է հայտնել դեսպանին հարկային և մաքսային ոլորտներում արդյունավետ համագործակցության և նշված ոլորտների հետևողական զարգացմանը նպաստելու համար:
Մեհդի Սոբհանին, իր հերթին, շնորհակալություն է հայտնել ՊԵԿ նախագահին և անձնակազմին՝ պատրաստակամ համագործակցության համար՝ վստահություն հայտնելով, որ առկա արդյունավետ փոխգործակցությունը շարունակական զարգացում կունենա։
