Արմինֆո. "Գաղտնիք չէ, որ աշխատանքային ռեսուրսների ամենամեծ շուկան ռուսականն է, բայց, միաժամանակ, մենք տեսնում ենք, որ Հայաստանն ու Ղրղզստանը բախվել են միգրացիայի խնդրին", - հայտարարել է Եվրասիական զարգացման բանկի վարչության նախագահի տեղակալ, Թվային նախաձեռնությունների հիմնադրամի համադրող Տիգրան Սարգսյանը՝ Մոսկվա-Մինսկ-Բիշքեկ-Երեւան-Աստանա տեսակամրջի ժամանակ:
Նա նշել է, որ խոսքը Հնդկաստանից և Պակիստանից միգրանտների մասին է։ "Եվ մենք երկխոսություն ունենք կառավարությունների հետ միգրանտների հաշվառման հատուկ հավելվածների մշակման եւ նրանց անհրաժեշտ ծառայությունների մատուցման համար", - հաղորդել Է Սարգսյանը։
Վկայակոչելով թվային նախաձեռնությունների հիմնադրամի փորձագետների գնահատականները՝ Սարգսյանը նշել է, որ Հայաստանում եւ Ղրղզստանում Պակիստանից եւ Հնդկաստանից շուրջ 40-50 հազար աշխատանքային միգրանտ կա։ "Եվ ծառայությունների մատուցման թվայնացումը, իհարկե, մեծ նշանակություն կունենա", - նշել է ԵԱԶԲ նախագահի տեղակալը։
Սարգսյանն անդրադարձել է նաև աշխատանք փնտրելու և թափուր աշխատատեղերը համալրելու համար նախատեսված "Աշխատանքի էլեկտրոնային բորսա" առցանց հարթակին, որը, նրա խոսքով, ստեղծվել է ԵԱԶԲ ֆինանսական աջակցությամբ ՝ ԵԱՏՄ երկրներում բնակչության զբաղվածության ոլորտում պետական առցանց հարթակների ներդրման լավագույն փորձի հիման վրա: Այդ առնչությամբ նա տեղեկացրել է, որ աշխատանք փնտրելու և թափուր աշխատատեղերը հաամալրելու նոր գործիքների մասին տեղեկացել է մոտ 1 մլն ՀՀ քաղաքացի։ 2025թ. փետրվարի դրությամբ հարթակից օգտվել է ավելի քան 4 հազար դիմող, ավելի քան 1 հազար գործատու, և համալրվել է ավելի քան 500 թափուր աշխատատեղ:
Հիմնադրամի ղեկավարը պատմել է նաև, որ բանակցություններ են ընթանում Հայաստանի տեղեկատվական համակարգերի գործակալության հետ տարբեր ծրագրերի իրականացման շուրջ: Մշակման փուլում է, ինչպես նա նշել է, ՄԱԿ-ի հայաստանյան գրասենյակի կողմից վիճակագրության և առողջապահության ոլորտում երկու նախագիծ։ «Նախատեսվում է մարդահամարի արդյունքների թվայնացում, վիճակագրական կոմիտեի թվային վերլուծության գործիքի ներդրում ։ Երկրորդ նախագիծը Հայաստանի էլեկտրոնային առողջապահության համակարգի համար մայրության և վերարտադրության թվային արձանագրության ստեղծումն ու ներդրումն է», - ասել է Սարգսյանը։
Փորձագետ. Այսօր ԵԱՏՄ-ում Հայաստանի ապրանքաշրջանառության ցուցանիշը անցնում է 16 մլրդ դոլարից, և դա սահմանը չէ
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%