Արմինֆո. Հայաստանը դեմ չէ թվային ակտիվների խթանմանը, զարգացմանը, քանի որ դա ապագան է, չէ որ, ի վերջո, փողը դառնալու է թվային ակտիվ ։ Այդ մասին խորհրդարանում կառավարական ժամին հայտարարել է ՀՀ փոխվարչապետ Մհեր Գրիգորյանը։
Նա նշել է, որ իրականում կառավարության կողմից կարգավորումը չի վերաբերում կրիպտոարժույթի, թվային ակտիվի շրջանառությանը։ Ավելին, ինչպես շարունակել է Գրիգորյանը, իշխանությունները ցանկանում են, որ Քաղաքացիական օրենսգիրքը կրիպտոակտիվը լիարժեք ճանաչի որպես լիարժեք գույք, որը շրջանառվում է Հայաստանում։
Սակայն, ըստ փոխնախարարի, այդ ոլորտում չափազանց կարեւոր է նման գույքի սեփականատիրոջ նույնականացումը։ «Եթե կանխիկ շրջանառությունը մնում է կրիպտոոլորտում, դա նշանակում է, որ մենք լուրջ հարված ենք հասցնում ֆիսկալ համակարգին: Քանի որ, եթե նման գնման գործարքները տեղի են ունենում անկանխիկ, դրանք ինչ-որ կերպ ամրագրվում են վճարման հիման վրա, դառնում են հետագծելի։ Իսկ երբ կատարվում է կանխիկով, անհնար է նույնականացնել գործարքի մասնակիցներին, եւ տեսնել, թե ուր են գնացել միջոցները։ Բայց մենք զգույշ կլինենք, որպեսզի մեր կարգավորումները չխոչընդոտեն մայնինգին, քանի որ այն լավ գործիք է էներգիայի սպառումը և արտադրությունը հավասարակշռելու համար», - հաավելել է նա
