Արմինֆո.Հայաստանը քայլ է կատարում 4-րդ արդյունաբերական հեղափոխությանն ընդառաջ ՝ դրա համար անհրաժեշտ հիմքեր նախապատրաստելով։ «ԴիջիԹեք» համաժողովի շրջանակներում նման կարծիք է հայտնել NVIDIA-ի փոխնախագահ եւ Omniverse-ի ղեկավար Ռեւ Լեբարեդյանը։
Այդ առնչությամբ նա ընդգծել է, որ այդ գործընթացի գլխավոր դրայվերներից մեկը կլինի տարածաշրջանում ամենամեծ տվյալների մշակման կենտրոնի և արհեստական բանականության (ԱԲ) լուծումների վրա հիմնված գերհամակարգչի կառուցումը, ինչի մասին հայտարարվել էր 2025թ. ամռանը: Լայնածավալ նախաձեռնությունն իրականացվում է NVIDIA-ի, Firebird-ի, Team Group-ի կողմից համատեղ ՝ ՀՀ կառավարության անմիջական մասնակցությամբ: Նախագծի ընդհանուր արժեքը գնահատվում է մոտ 500 մլն դոլար։
Լեբարեդյանի խոսքով՝ այդ բարձր հայտարարության հետևում երկար տարիների քրտնաջան աշխատանք է, իսկ բուն կենտրոնի կառուցմանը ձեռնամուխ կլինեն մոտ ժամանակներս:
«Ընդամենը 3 միլիոն բնակչություն ունեցող երկրի համար դա ոչ միայն ձեռքբերում է, այլ պատմական պահ: Սա նման է այն բանին, որ, օրինակ, 100 տարի առաջ Հայաստանում առաջին գեներատորը լիներ ։ Այժմ մենք կանգնած ենք նման տեխնոլոգիական թռիչքի շեմին", - ասել է մասնագետը։
Լեբարեդյանը նշել է, որ ԱԲ-ենթակառուցվածքի ստեղծումն ու շահագործումը նոր բազմատրիլիոնանոց արդյունաբերության ծնունդն է, որն արագորեն քաշ է հավաքում գլոբալ մակարդակում: "Եթե վերադառնանք առաջին արդյունաբերական հեղափոխությանը, ապա այն ընկերությունները, որոնք ստեղծել են առաջին գեներատորները, դարձել են ամենամեծն աշխարհում տասնյակ տարիների ընթացքում", - հավելել է NVIDIA-ի փոխնախագահը:
Եվ եթե Հայաստանը կարողանա արդյունավետորեն վերապատրաստել մասնագետներին և ներգրավվել այդ գործընթացում, ապա կկարողանա ոչ միայն իր մոտ իրականացնել նման նախագծեր, այլև արտահանել թվային ենթակառուցվածքներ և գիտելիքներ աշխարհի ցանկացած կետ:
«ԱԲ ենթակառուցվածքը կդառնա գլոբալ զարգացման նույնքան անբաժանելի մասը, որքան ջուրը, էլեկտրաէներգիան, ճանապարհները և հաղորդակցությունը: Եվ Հայաստանը, այդպիսով, կարող է մեկ քայլ առաջ լինել", - հավելել է նա։
Նման կենտրոնի ստեղծումը հանրապետությունում, Լեբարեդյանի կարծիքով, լուրջ խթան կհանդիսանա նաև բարձրագույն կրթության, գիտահետազոտական գործունեության զարգացման համար, հատկապես համակարգչային գիտության ոլորտում: Այն նաև կընդլայնի հայկական ստարտափ էկոհամակարգի հնարավորությունները, թույլ կտա երկիր ներգրավել միջազգային բարձրակարգ մասնագետների, պայմաններ կստեղծի կադրերի վերապատրաստման և ներդրումների ներգրավման համար
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները