Հայաստանը ԵԱՏՄ շրջանակներում կկիրառի վերահսկողության հատուկ պաշտպանական մեխանիզմներ

Արմինֆո.  Հայաստանը մտադիր է վավերացնել "Եվրասիական տնտեսական միության մասին" 2014 թվականի մայիսի 29-ի պայմանագրում փոփոխություններ կատարելու մասին արձանագրությունը՝ այն մասով, որը վերաբերում է հետաքննությունների անցկացման ժամանակ հատուկ մեխանիզմին եւ հատուկ պաշտպանական, հակագնագցման եւ փոխհատուցման միջոցների կիրառման կամ չկիրառման մասին որոշում ընդունելուն:

ՀՀ էկոնոմիկայի նախարար Գեւորգ Պապոյանի խոսքով, ով հոկտեմբերի 21-ին երկրի խորհրդարանում վավերացման է ներկայացրել փաստաթուղթը, արձանագրության համաձայն, կողմերից մեկը վետո կիրառելու իրավունք կստանա այս կամ այն ապրանքի մատակարարման դեպքում, որը պետք է հաղթահարվի ԵԱՏՄ կառավարությունների ղեկավարների խորհրդի որոշմամբ: Մեկ այլ փոփոխություն վերաբերում է ապրանքների մատակարարման բացառման գործընթացին: Օրինակ, Հայաստանը, որն անվադողեր չի արտադրում, կարող է պահանջել, որ տվյալ ապրանքի համար 25 տոկոսի չափով մաքսատուրքեր չկիրառվեն։ Ճիշտ է, Ինչպես ընդգծել է նախարարը, տվյալ դեպքում անհրաժեշտ է ապրանքների հստակ հետագծելիություն, որպեսզի դրանք հետո ցածր գներով չհայտնվեն ԵԱՏՄ այլ պետությունների շուկաներում։

Նշենք, որ ներկայացված արձանագրության շուրջ քվեարկությունը, ինչպես սպասվում է, տեղի կունենա հոկտեմբերի 22-ին: