Ֆինանսների նախարար․ Միջնաժամկետ հեռանկարում ընդունելի է բյուջետային միջոցների ուղղումը այս կամ այն օրինագծերի վերաբերյալ մասնագիտական հետազոտությունների անցկացմանը

Արմինֆո.  Միջնաժամկետ հեռանկարում ընդունելի է բյուջետային միջոցների ուղղումը որոշակի օրինագծերի վերաբերյալ մասնագիտական հետազոտությունների անցկացմանը, բայց անհրաժեշտ կլինի որոշել ծախսերի առաջնահերթությունները: Այդ մասին հոկտեմբերի 29-ին հայտարարել է ՀՀ ֆինանսների նախարար Վահե Հովհաննիսյանը՝ 2026 թվականի պետական բյուջեի նախագծի վերաբերյալ խորհրդարանական լսումների ժամանակ անդրադառնալով ԱԺ տնտեսական հարցերի հանձնաժողովի նախագահի տեղակալ Բաբկեն Թունյանի համապատասխան նախաձեռնությանը։

Պատգամավորը, մասնավորապես, նշել է, որ հաճախ անհրաժեշտություն է առաջանում հետազոտություններ անցկացնել գլոբալ բնույթ ունեցող այս կամ այն օրինագի վերաբերյալ, ինչպես, օրինակ, ֆիզիկական անձանց եկամուտների համընդհանուր հայտարարագրման մասին օրինագիծը: Սակայն երկրի խորհրդարանը հնարավորություն չունի միջոցների մի մասն ուղղել մասնագիտական գնահատման անցկացման եւ քաղաքացիների կյանքի վրա այս կամ այն օրենքի ազդեցության հարցի լուծմանը: Նա առաջարկել է միջնաժամկետ հեռանկարում հաշվի առնել ԱԺ գործունեության համար բյուջետային հատկացումների 2 տոկոս աճը, որոնք կուղղվեն նշված խնդրի լուծմանը:

Ի պատասխան՝ նախարարը նշել է, որ պետական ֆինանսների կառավարման որակի բարձրացմանն ուղղված ցանկացած քայլ արդարացված է: Նա նշել է, որ երկրի կառավարությունում քայլեր են ձեռնարկվում ընդունվող որոշումների որակը բարձրացնելու ուղղությամբ ։ Հովհաննիսյանն ընդգծել է, որ իշխանություններն իրենց առջև խնդիր են դնում 2028 թվականին պետբյուջեի պակասուրդը կրճատել մինչև ՀՆԱ 2,9 տոկոս: Այս տարի պակասուրդը կնվազի 1%-ով։ Այս խնդիրը լուծելու համար անհրաժեշտ կլինի որոշել ծախսերի կրճատման առաջնահերթությունները, և այդ համատեքստում կարևոր է լուծել այն խնդիրը, թե որտեղ պետք է կրճատել և որտեղ՝վելացնել բյուջետային հատկացումները: