Արմինֆո. Հայաստանում կենսաթոշակները կվճարվեն բացառապես անկանխիկ․ հրաման է տվել վարչապետ Նիկոլ Փաշինյանը նոյեմբերի 6-ին ՝ կառավարության նիստում։
Փաշինյանը նշել է, որ ավելի վաղ որոշում էր կայացվել 75 տարեկանից բարձր քաղաքացիներին կենսաթոշակը կանխիկ վճարել: Սակայն մինչ օրս նա չի կարողանում հասկանալ, թե՝ ինչու, առավել ևս, որ վերջերս համոզվել է, որ կենսաթոշակ վճարողները կենսաթոշակ տրամադրելիս 500-ական դրամ են վերցնում իրենց "ծառայությունների դիմաց":
«Ասում են, որ 85-ից բարձր տարիքի թոշակառուն չի կարող դուրս գալ տնից: Ասում եմ ՝ ավելի լավ է, նա տնից դուրս գալու կարիք չի ունենա, քարտը կողքն է, և գումարը հաշվեգրվում է քարտին», - ասել է Փաշինյանը։
«Երկու շաբաթ ժամանակ ունեք: Բոլոր կենսաթոշակառուները կենսաթոշակները պետք է ստանան միայն էլեկտրոնային տարբերակով>, - պնդել է վարչապետը։
Շիրակի մարզպետ Դավիթ Առուշանյանն, իր հերթին, նշել է, որ տեղաշարժման խնդիրներ ունեցող տարեցների հարազատներն ավելի հաճախ բողոքում են բանկային քարտեր ստանալու դժվարություններից: Պետք է խնդրել բանկերին, որպեսզի նրանք գան նման թոշակառուների մոտ քարտ ձեւակերպելու համար, հավելել է նա։ Ի պատասխան՝ Փաշինյանը հայտարարել է, որ նման թոշակառուները ընդամենը մի քանի հազար մարդ են, և նրանց հարցը կարելի է լուծել տարբեր եղանակներով:
«Հունվարի 1-ից կենսաթոշակների դեպքում թղթային փողի շրջանառություն չի լինի: Բոլորը, առանց բացառության, դրանք պետք է ստանան միայն էլեկտրոնային տարբերակով", - նշել է Փաշինյանը։
Վարչապետը կարծում է, որ դա լավագույն լուծումն է տեղաշարժի հետ կապված խնդիրներ ունեցող թոշակառուի համար։ Այսպիսով, եթե նախկինում նա չէր կարող տնից դուրս գալ կամ խանութ գնալ, և ինչ-որ մեկին խնդրում էր դա անել իր համար, նրան թղթադրամ փոխանցելով, և խաբվաշ լինելու ռիսկ կար, ապա այժմ ավելի հեշտ կլինի վերահսկել ծախսերը՝ գումարած նաև անկանխիկ գնումներից հետվճարի ստացումը:
Հիշեցնենք, որ 2025 թվականին կենսաթոշակառուների և բանկային քարտերով վճարման նպաստառուների համար հետվճարի ծրագիրը երկարաձգվել էր ։ Ծրագիրը մեկնարկել է 2022 թվականի հուլիսին։ Բոլոր թոշակառուներին, որոնք իրենց քարտերից իրականացնում են ապրանքների և ծառայությունների գնումներ, պետությունը վերադարձրել է միջոցների 10 տոկոսը, բայց ոչ ավելի, քան 5 հազար դրամը ։ 2024 թվականի հոկտեմբերից անկանխիկ գնումների հետվճարի չափը բարձրացվել է մինչև 12% ՝ մինչև 6 հազար դրամ։
