Արմինֆո. Սյունիքում Հայաստանի բանկերի միության կազմակերպած «Բանկերը մեկ տեղում» էքսպոյին Ակբա բանկը ներկայացրել է բանկի ֆինանսավորման ծրագրերն ու հնարավորությունները՝ ուղղված տեղի փոքր և միջին ձեռնարկություններին՝ արտադրողներին, գյուղատնտեսներին, ֆերմերներին, ինչպես նաև ֆիզիկական անձանց։
Շուրջ 30 տարի Ակբա բանկը Հայաստանի տնտեսության զարգացման առաջատարներից է, մասնաճյուղային լայն ցանցով ներկայացված է Հայաստանի ամբողջ տարածքում, այդ թվում՝ Սյունիքի 4 քաղաքներում՝ մասնակցելով երկրի համար առաջնային ու երկարաժամկետ նախագծերի իրականացմանը։
«Սա շատ լավ հարթակ է ոչ միայն բանկի, այլ նաև Սյունիքի մարզում գործունեություն ծավալող ՓՄՁ-ների համար, քանի որ լրացուցիչ հնարավորություն է ստեղծվել քննարկելու բիզնեսների զարգացման հեռանկարները։ Այս հարթակը նաև լավ հնարավորություն է բանկի, տեղի ՓՄՁ-ների և կառավարության ներկայացուցիչների միջև շփումների զարգացման համար, որովհետև մարզում ծրագրերն իրականացվում են նաև կառավարության աջակցությամբ»,- նշել է Ակբա բանկի գլխավոր գործադիր տնօրեն Հակոբ Անդրեասյանը։
«Սյունիքում մեր բոլոր կարևոր նախաձեռնությունները կապված են արժեշղթաների և նորագույն տեխնոլոգիաների հետ։ Դա նշանակում է, որ մենք ոչ միայն ֆինանսավորում ենք բիզնեսը, այլև կառուցում ենք ընդհանուր արժեշղթա՝ տալով փորձ, ֆինանսավորում, հետո վաճառքի ուղիներ։ Նմանատիպ շատ լավ փորձեր ունենք, երբ մի արժեշղթա կառուցելու արդյունքում ստեղծվում է երկրորդը, հետո երրորդը ու այսպես շարունակ։ Եվ մարդիկ այս հաջողված փորձերը ցանկանում են ընդօրինակել և մենք նրանց սիրով օգնում ենք»,- նշել է Ակբա բանկի մանրածախ բիզնեսի տնօրեն Արսեն Մելքոնյանը։
Ակբան Հայաստանում ոչ միայն ֆինանսավորում է ՓՄՁ-ներին, այլև ձևավորում է դրա զարգացման միջավայրը՝ գիտելիքով և բանկում կուտակված լավագույն փորձով։
«2013 թվականից մինչ այսօր Ակբա բանկն իր կորպորատիվ սոցիալական պատասխանատվության շրջանակում տնտեսվարողների համար իրականացնում է անվճար բիզնես դասընթացներ։ Այս դասընթացները նախատեսված են ինչպես Ակբա բանկի հաճախորդների, այնպես էլ ոչ հաճախորդների համար»,- նշել է Ակբա բանկի ՓՄՁ և կորպորատիվ բիզնեսի տնօրեն Նորիկ Նազարյանը։
Մանրամասն՝տեսանյութում։
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները