Արմինֆո. ՀՀ ֆինանսների նախարար Վահե Հովհաննիսյանը մասնակցել է «Գործարար միջավայրի բարելավումը երկխոսության միջոցով» խորագրով երկրորդ աշխատաժողովին:
Ֆինանսների նախարարության հաղորդագրության համաձայն, աշխատաժողովի նպատակը Հայաստանի հանրային և մասնավոր հատվածների միջև կառուցողական և հաշվետու համագործակցության ամրապնդումն է՝ նախապես հավաքագրված ոլորտային խնդիրների և դրանց հնարավոր լուծումների ուղղությամբ ներկայացված առաջարկների քննարկման միջոցով։ Միջոցառմանը մասնակցել են Կառավարության, օրենսդիր իշխանության, պետական մարմինների, գործարար համայնքի ներկայացուցիչներ:
Նախարար Հովհաննիսյանն աշխատաժողովի շրջանակներում մասնակցել է «Ներդրումային միջավայր» թեմայով պանելային քննարկմանը, որի ընթացքում անդրադարձել է գործարար համայնքի համար առաջնային նշանակություն ունեցող հարկային համակարգի կանխատեսելիության ապահովման կարևորությանը, ինչպես նաև ընդգծել է ներդրողների համար անհրաժեշտ պայմանների ստեղծման, արդիականացման և շարունակական բարելավման կարևորությունը:
