Արմինֆո. FLYONE ARMENIA ավիաընկերությունը սկսում է կանոնավոր չվերթեր իրականացնել Երևան–Վիեննա–Երևան երթուղով՝ սկսած 2026 թվականի ապրիլի 3-ից։ Այդ մասին հաղորդում է ավիաընկերության մամուլի ծառայությունը։
«Չվերթերը կիրականացվեն շաբաթական 2 անգամ՝ երկուշաբթի և ուրբաթ։ Տոմսերը հնարավոր է ձեռք բերել flyone.am կայքում կամ FLYONE բջջային հավելվածում», - ասվում է հաղորդագրությունում։
Նշենք, որ FLYONE ARMENIA-ն (www.flyone.am)՝ Հայաստանի առաջատար ավիափոխադրողը, հիմնադրվել է 2021 թվականին։ Ավիաընկերության պարկը բաղկացած է Airbus A320 և Airbus A319 ինքնաթիռներից, որոնք համապատասխանում են Օդային տրանսպորտի միջազգային ասոցիացիայի (IATA) և EASA-ի անվտանգության բոլոր ստանդարտներին:
