Այ մենք մտածում ենք, ասենք, թոշակն ավելացնենք 10-11 հազար դրամով։ Եվ ի՞նչ է անելու թոշակառուն դրա հետ: Ինչի՞ վրա է ծախսելու․ Փաշինյան

Արմինֆո.Հայաստանի վարչապետ Նիկոլ Փաշինյանը կարծում է, որ թոշակառուները չեն կարողանում գրագետ կառավարել իրենց ֆինանսները և միջոցներ ծախսել: Նա տեսակետը կիսել է դեկտեմբերի 3-ին խորհրդարանի ամբիոնից։

Փաշինյանն ընդգծել է, որ հետվճարի ծրագրի շրջանակում անկանխիկ եղանակով ստացվող կենսաթոշակն արդեն ավելացել է և կշարունակվի ավելանալ 2026 թվականին: Բայց քանի որ ֆինանսների կառավարումը նուրբ գործ է, իսկ կառավարությունը նոր-նոր է սովորում, իշխանությունները մտածում են ճիշտ կառավարման, իսկ ավելի ճիշտ ՝ երկրի քաղաքացիների միջոցների ծախսման մասին։

«Այ, մենք մտածում ենք, որ, ասենք,  թոշակը կավելացնենք 10-11 հազար դրամով։ Եվ ի՞նչ է անելու թոշակառուն դրա հետ: Ինչի՞ վրա եք ծախսելու: Մեր ուսումնասիրությունը ցույց է տալիս, որ քաղաքացիների ծախսերի առաջին հոդվածն առողջապահությունն է։ Հետևաբար, ինչու՞ տալ մարդկանց այդ գումարը, որպեսզի նրանք չիմանան, թե ինչպես արդյունավետ օգտագործել այդ գումարը իրենց առողջության համար։ Դե, նա կգնա դեղատուն, կգնի ոչ այն, ինչ հարկավոր է: Սխալ բուժօգնություն կստանա։ Իսկ մենք այդ 10 հազար դրամը ներդնում ենք բժշկական ապահովագրության մեջ, ստեղծում ենք համակարգ, որտեղ նա, ամենայն հավանականությամբ, կստանա ոչ թե 10, այլ 20, 30, 40, 50 կամ, նույնիսկ, հնարավոր է ՝ 100 հազար դրամի ծառայություններ", - հայտարարել է Փաշինյանը (2026 թվականից Հայաստանը նախատեսում է ներդնել պարտադիր բժշկական ապահովագրության համակարգ - խմբ.)։

Վարչապետի խոսքով, վերջին ամիսներին, ուսումնասիրելով արտասահմանյան երկրների փորձը, "իրեն հետաքրքրել է 63 տարեկանից բարձր մարդկանց տնտեսապես ակտիվացնելու գաղափարը": «Իսկ գուցե 63-ը լավագույն տարիքն է փոքր և միջին ձեռնարկատիրությամբ զբաղվելու համար» ,- հարցադրում է անում Փաշինյանը, հավելելով, որ արդեն հանձնարարել է կառավարությանը մշակել համապատասխան ծրագրեր։