Արմինֆո."Ռոսատոմ"-ի ղեկավար Ալեքսեյ Լիխաչովը Հայկական ԱԷԿ-ը, որը վերապրել է խոշորագույն երկրաշարժը, անվանել է Խորհրդային Միության լավագույն միջուկային նախագիծը: Ինչպես հաղորդում Է "Ինտերֆաքսը", ՌԴ վարչապետ Միխայիլ Միշուստինը և պաշտոնական պատվիրակությունների ղեկավարները, որոնք մասնակցում են Գիտության և տեխնոլոգիաների բնագավառում համագործակցության միջազգային խորհրդաժողովին, դեկտեմբերի 12-ին ծանոթացել են Մոսկվայի ՎԴՆԽ-ի "Ատոմ" թանգարանի ցուցադրությանը:
Շնորհանդեսի ընթացքում Լիխաչովը մասնակիցներին պատմել է այլ պետությունների հետ "Ռոսատոմ"-ի համագործակցության մասին: Մասնավորապես, Լիխաչովը հիշեցրել է ՎՎԷՌ-440 տիպի սեյսմակայուն ռեակտորների հիման վրա Հայկական ԱԷԿ-ի պատմությունը, որը 1988 թվականին վերապրել է Սպիտակի երկրաշարժը և կանգնեցվել: Սակայն հետո երկրորդ էներգաբլոկը վերականգնվել է, և ՀԱԷԿ-ւ վերագործարկվել է։
"Դա, պարզապես, մեր հպարտությունն է։ Դա Խորհրդային Միության լավագույն միջուկային նախագիծն է, որը մինչ օրս աշխատում է", - ասել է Լիխաչովը։
Նա հավելել է, որ ՀԱԷԿ-ի գործող բլոկի շահագործման ժամկետը երկարաձգվել է մինչև 2026 թվականը: Հայաստանի կառավարությունը որոշում է ընդունել Հայկական ԱԷԿ-ի շահագործումը մինչև 2036 թվականը երկարաձգելու գործընթաց սկսելու մասին: "Գործնականում, յուրաքանչյուր եռամսյակը մեկ ես անհանգստացնում եմ Նիկոլ Վովաևիչին (Փաշինյանին, Հայաստանի վարչապետին) և ասում եմ․ «Նիկոլ Վովաևիչ, ե՞րբ մոտենանք։ Մենք պատրաստ ենք ամեն ինչ լուծել", - հավելել է Լիխաչովը։ Նա նաև պատմել է, որ "Ռոսատոմ"-ն իր գործընկերներին "հրավիրում է" միջուկային էներգետիկայի չորրորդ սերունդ, որը ենթադրում է ջրածնային տեխնոլոգիաների, արագ նեյտրոնների վրա ռեակտորների զարգացում, միջուկային վառելիքի ցիկլի ավարկ:
"Դա անվտանգության բոլորովին այլ մակարդակ է, դա զրոյական թափոնների արտադրություն է և ուրանի պահանջարկի բազմակի կրճատում ՝ հարյուրավոր անգամներ։ Այսպիսով մենք մեզ կապահովենք հազարամյակներ արդեն հետախուզված հանքավայրերով", - ընդգծել է Լիխաչովը։
Նշենք, որ ՀԱԷԿ-ում շարունակվում է երկրորդ էներգաբլոկի շահագործման ժամկետը մինչև 2036 թվականը երկարաձգելու ծրագրի իրականացումը: Աշխատանքներն իրականացվում են "Ռոսատոմ" ընկերության հետ համագործակցությամբ։ Նշված ժամկետում երկրում պետք է կառուցվի նոր միջուկային էներգաբլոկ ։
