Իրանի շուրջ ստեղծված իրավիճակը բարձրացնում է նավթի գները

Արմինֆո. Նավթի գները բարձրացել են հինգերորդ անընդմեջ նստաշրջանը՝ աշխարհաքաղաքական ռիսկերի աճի ֆոնին։

Երեկ ԱՄՆ նախագահ Դոնալդ Թրամփը կոչ արեց իրանցի ցուցարարներին վերահսկողություն հաստատել կառավարական մարմինների նկատմամբ՝ խոստանալով աջակցել նրանց։ Ի պատասխան՝ Իրանի պաշտպանության նախարար Ազիզ Նաֆիզադեն հայտարարեց, որ Թեհրանը կհարվածի Մերձավոր Արևելքում գտնվող ամերիկյան բազաներին, եթե ԱՄՆ-ն որոշի կրկին հարձակվել Իրանի վրա։

Լոնդոնի ICE Futures բորսայում մարտի Brent նավթի ֆյուչերսների գինը Մոսկվայի ժամանակով ժամը 14:24-ի դրությամբ աճել է 0.73 դոլարով (1.12%)՝ հասնելով 66.20 դոլարի մեկ բարելի համար։

Նյու Յորքի ապրանքային բորսայում (NYMEX) փետրվար ամսվա WTI նավթի ֆյուչերսների գինը բարձրացել է 0.71 դոլարով (1.16%)՝ հասնելով 61.86 դոլարի մեկ բարելի համար։

Երեքշաբթի օրը երկու տեսակներն էլ աճել են ավելի քան 2%-ով՝ Իրանում լարվածության սրման մտավախությունների պատճառով, որտեղ զանգվածային անկարգությունները շարունակվում են։

Citi-ի վերլուծաբանները կարծում են, որ Brent նավթի գինը կարող է աճել մինչև 70 դոլար մեկ բարելի համար առաջիկա երեք ամիսների ընթացքում՝ Իրանում բողոքի ցույցերի պատճառով, եթե դրանք հանգեցնեն համաշխարհային շուկա նավթի մատակարարումների կրճատման։ (FINMARKET)