Արմինֆո. ՀՀ Ազգային ժողովի տնտեսական հարցերի հանձնաժողովը փետրվարի 4-ի նիստում դրական եզրակացություն է տվել ՀՀ կառավարության ներկայացվրծ «Կշիռների եւ չափերի միջազգային բյուրոյին (ԿՉՄԲ/BIPM) ասոցացված անդամ դառնալու մասին» եւ ««Օրենսդրական չափագիտության միջազգային կազմակերպությանը (ՕՉՄԿ/OIML) թղթակցային անդամ դառնալու մասին» նամակ-համաձայնագրերը վավերացնելու մասին» օրենքի նախագիծն։
ԱԺ հաղորդագրության համաձայն, օրինագիծը ներկայացրել ՀՀ էկոնոմիկայի նախարարի տեղակալ Նարեկ Հովակիմյանը: Նա նշել է, որ նամակ-համաձայնագրերի վավերացումը բխում է «Միջազգային պայմանագրերի մասին» օրենքից: Ներկայում Օրենսդրական չափագիտության միջազգային կազմակերպությունն ունի 64 լիիրավ, 66 թղթակցային անդամ: Կշիռների եւ չափերի միջազգային բյուրոն ունի 64 լիիրավ անդամ եւ 37 ասոցացված անդամ:
Նախաձեռնություններով առաջարկվում է չափագիտության ոլորտում միջազգային երկու հեղինակավոր կառույցներին Հայաստանի անդամակցությունը՝ ի դեմս լիազոր մարմնի՝ ՀՀ էկոնոմիկայի նախարարության կազմում գործող Ստանդարտացման եւ չափագիտության ազգային մարմնի, որը երկրի տարածքում ապահովում է չափումների միասնականությունը:
Փոխնախարարի խոսքով օրենսդրական չափագիտական հսկողությունը ոչ միայն ապահովում է ՀՀ քաղաքացիների անվտանգությունն առողջության պահպանության տեսանկյունից, այլեւ կարգավորում է սպառող-վաճառող-առեւտուր հարաբերությունները:
Հայաստանի անդամակցությունը կառույցներին երաշխավորում է չափումների ազգային համադրելիությունը, ինչը կարեւոր է արտահանման եւ ներմուծման գործընթացներում, հնարավորություն է տալիս համագործակցել տեխնիկական վերապատրաստման հարցերում, ինչպես նաեւ դերակատարություն ունենալ օրենսդրական հանձնարարականներում:
Փորձագետ․ Իրանը Հայաստանի համար էներգետիկ հաշվեկշռի անբաժանելի մասն է
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները