Էկոնոմիկայի նախարար․ 2026 թվականի հունվարին 39 տոկոսով ավելի զբոսաշրջիկ է այցելել Հայաստան, քան՝ նախորդ տարվա հունվարին

Արմինֆո.  2025 թվականի արդյունքներով արձանագրվել է Հայաստան զբոսաշրջային այցելությունների էական աճ։ Այդ մասին ՀՀ Ազգային ժողովի ֆինանսավարկային և բյուջետային հարցերի հանձնաժողովի նիստում հաղորդել է ՀՀ էկոնոմիկայի նախարար Գևորգ Պապոյանը:

Նրա խոսքով՝ աճի դինամիկան պահպանվել է նաև 2026 թվականի հունվարին, երբ երկիր այցելած զբոսաշրջիկների թիվը 39%-ով գերազանցել է նախորդ տարվա նույն ժամանակահատվածի, ինչպես, ի դեպ, բոլոր նախորդ տարիների ցուցանիշները։ Այցելությունների կառուցվածքում առանձնապես փոփոխություններ տեղի չեն ունեցել։ Նախկինի պես այդ ցուցանիշով առաջատարը Ռուսաստանն է, որին բաժին է ընկնում բոլոր զբոսաշրջիկների 41%-ը՝ նախորդ տարեսկզբի 40%-ի փոխարեն, համամասնորեն աճում է նաև այլ երկրների զբոսաշրջիկների թիվը։

Երկրի կառավարությունը, ինչպես նշել է Պապոյանը, քայլեր է ձեռնարկում Մերձավոր Արեւելքի երկրներից զբոսաշրջային հոսքի ավելացման ուղղությամբ։ Մասնավորապես, ԱՄԷ-ի, Քաթարի, Սաուդյան Արաբիայի, Բահրեյնի և Քուվեյթի բնակիչները կարող են Հայաստան այցելել առանց վիզայի:

Դրան զուգահեռ աճում են նաև զբոսաշրջային ծառայությունները Հայաստանում, առավելապես, շնորհիվ տարբեր միջոցառումների, այդ թվում ՝ գաստրոնոմիական և գինու փառատոների, էկոտուրիզմի առաջարկների և այլն ։ Նման միջոցառումները 2026 թվականին կընդլայնվեն։

Նշենք, որ ՀՀ զբոսաշրջության կոմիտեի տվյալներով, 2025 թվականի դեկտեմբերին Հայաստան է այցելել 139 933 զբոսաշրջիկ՝ 2024 թվականի դեկտեմբերի 130 148 զբոսաշրջիկի դիմաց, իսկ ողջ 2025 թվականին՝ 2 263 642 զբոսաշրջիկ՝ 2024 թվականի 2 208 179 զբոսաշրջիկի դիմաց ։ Զբոսաշրջային հոսքի առաջատարը մնում է Ռուսաստանը (41%, 921 704 մարդ), չնայած 2023 թվականի համեմատ ռուսաստանցիների թվի 216 հազարով անկմանը՝ այլ երկրներից այցելությունների աճի հաշվին։