Արմինֆո.Թոշակների և ծերության ու հաշմանդամության նպաստների մինչև 10 հազար դրամով բարձրացման համար լրացուցիչ կհատկացվի տարեկան շուրջ 75 մլրդ դրամ: Այդ մասին ֆեյսբուքյան իր էջում հաղորդել է ՀՀ էկոնոմիկայի նախարար Գևորգ Պապոյանը։ Ընդ որում, նա նշել է, որ խոսքն ավելի քան 660 հազար մարդու մասին է։
Պապոյանը հիշեցրել է, որ ապրիլի 1-ից Հայաստանում կենսաթոշակները կբարձրանան մինչև 10 հազար դրամով: Ընդ որում, ցածր կենսաթոշակ ստացողների համար հավելավճարը կկազմի ուղիղ 10 հազար դրամ։ Նախարարը նշել է, որ դա հնարավոր է դարձել արձանագրված տնտեսական աճի արդյունքում ։
Հիշեցնենք, որ այսօր առավոտյան ՀՀ վարչապետ Նիկոլ Փաշինյանը հունիսի 7-ի խորհրդարանական ընտրություններին ընդառաջ հայտարարել է 2026 թվականի ապրիլի 1-ից կենսաթոշակների չափի ավելացման մասին:
