Արմինֆո. Վարչապետ Նիկոլ Փաշինյանը հանդիպում է ունեցել Վերակառուցման և զարգացման եվրոպական բանկի նախագահ Օդիլ Ռենո-Բասսոյի հետ։
Կառավարության հաղորդագրության համաձայն, զրուցակիցները քննարկել են երկկողմ համագործակցության ընթացքին վերաբերող հարցեր։
Կարևորվել է ՀՀ Կառավարության կողմից իրականացվող բարեփոխումների շրջանակում ակտիվ փոխգործակցության շարունակականությունը, ինչպես նաև մասնավոր հատվածի մրցունակության խթանմանը, փոքր և միջին ձեռնարկությունների զարգացմանը, ենթակառուցվածքների արդիականացմանը միտված համատեղ ծրագրերի արդյունավետ իրականացումը։
Օդիլ Ռենո-Բասսոն ընդգծել է ՎԶԵԲ-ի պատրաստակամությունը՝ շարունակելու աջակցությունը ՀՀ Կառավարությանը տարբեր ոլորտներում նախատեսվող ծրագրերի և բարեփոխումների իրականացման գործում։
Նշենք, որ վերջին կանխատեսման համաձայն, Վերակառուցման և զարգացման եվրոպական բանկը (ՎԶԵԲ) 2026 թվականին ակնկալում է Հայաստանի ՀՆԱ-ի 4,5% աճ:
