Արմինֆո. AIFC կանաչ ֆինանսների կենտրոնը (Astana International Financial Centre) դիտարկում է Հայաստանի շուկա դուրս գալու հնարավորությունը։ Այդ մասին հայտարարել է AIFC կենտրոնի գլխավոր տնօրեն Մանաս Գիջդուանիևը` ապրիլի 23-ին կայացած ճեպազրույցի ժամանակ պատասխանելով ԱրմԻնֆո-ի թղթակցի հարցին:
Նա նշել է, որ, առաջին հերթին, հետաքրքրություն է առաջացնում Հայաստանի ֆինանսական հատվածը՝ հաշվի առնելով ESG (Environmental, Social, Governance - բնապահպանություն, սոցիալական պատասխանատվություն և kորպորատիվ կառավարում) ուղղության ակտիվ զարգացումը: <Այստեղ հիմնականում երկու շարժիչ ուժ կա: Առաջինը կապիտալի շուկան է, երկրորդը ՝ ապրանքային շուկան», - նշել է Գիջդուանիևը։
Այդ համատեքստում կենտրոնի ղեկավարը նշել է, որ զարգացման շատ միջազգային բանկեր, ինչպիսիք են ԵԱԶԲ-ն, Ասիական զարգացման բանկը, IFC-ն, մանդատ ունեն կանաչ եւ կայուն նախագծերի ֆինանսավորման համար: Ընդ որում, նման հաստատությունները պահանջում են իրենց հաճախորդների եւ վարկառուների համապատասխանությունը ESG չափորոշիչներին։ «Այդ պատճառով շատ բանկեր, նրանցից գումար վերցնելու համար, առաջ են շարժվել այս ուղղությամբ: Եվ նման ճնշումն այժմ աճում է։ Մենք դա տեսնում ենք միջազգային ֆինանսական կազմակերպությունների, պետությունների կողմից։ Շատ բանկեր փորձում են համապատասխանել դրան։ Եվ մենք ունենք շատ լավ փորձաքննություն ESG-ի, կայուն ֆինանսների մասով։ Կարծում եմ, որ մենք կկարողանայինք աշխատել Հայաստանում", - պատմել է Գիժդուանիեւը։
Խոսելով ապրանքային շուկայի մասին՝ նա հիշեցրել է Carbon Border Adjustment Mechanism (Եվրամիության սահմանին ածխածնի ճշգրտման մեխանիզմ - խմբ.) շրջանակներում կարգավորման առկայության մասին ։ Կենտրոնի ղեկավարը նշել է, որ արտահանողները, որոնց ածխածնի արտադրության մակարդակը եվրոպական նորմերից բարձր կլինի, ստիպված կլինեն լրացուցիչ հարկեր վճարել: Այդ առումով ընկերություններն ավելի ու ավելի են աշխատում ածխածնի հետքը նվազեցնելու և իրենց տեխնոլոգիաներն ու նախագծերը "կանաչապատելու" ուղղությամբ։ "Եվ նման ընկերությունների հետ նույնպես մենք կցանկանայինք աշխատել", - ասել է նա:
Միաժամանակ, Գիջդուանիեւը բարձր է գնահատել Հայաստանի կանաչ եւ կայուն ֆինանսների շուկան, նշելով, որ երկիրը մի քանի հաջողված քեյսեր ունի "կայուն պարտատոմսերի" ոլորտում, ինչպես նաեւ զարգացնում է կանաչ տաքսոնոմիան, որը ներառում է կանաչ, սոցիալական եւ կայուն օրակարգ:
Նշենք, որ AIFC - ն ("Աստանա" միջազգային ֆինանսական կենտրոն) ֆինանսական հարթակ է Ղազախստանում, որը ստեղծվել է ֆինանսական ծառայությունների զարգացման, ներդրումների ներգրավման եւ միջազգային շուկաների հետ կապերի ամրապնդման համար: Կենտրոնն աշխատում է անգլիական իրավունքի սկզբունքների հիման վրա, առաջարկում է բարենպաստ պայմաններ բիզնեսի համար, ներառյալ հարկային արտոնությունները, ինչպես նաև ունի իր անկախ դատարանը և արբիտրաժը՝ վեճերի լուծման համար: AIFC-ը կողմնորոշված է ֆինանսական հատվածի զարգացմանը, ձեռնարկատիրությանն աջակցությանը և Ղազախստանի ինտեգրմանը համաշխարհային տնտեսությանը:
