Արմինֆո. Տարեսկզբից բժշկական ապահովագրության համակարգի շահառուների թիվը հասել է 1.7 միլիոնի։ Այդ մասին հունիսի 30-ին մամուլի ասուլիսի ժամանակ հաղորդել է ՀՀ առողջապահության նախարար Անահիտ Ավանեսյանը, նշելով, որ 2026 թվականի հունվարի 1-ի դրությամբ նրանց թիվը եղել է 1,5 մլն մարդ։
Նրա խոսքով ՝ աճը պայմանավորված է եղել մի շարք գործոններով ։ Առաջին հերթին, ավելացել է ռեզիդենտների (183 օր և ավելի Հայաստանում գտնվողները), ինչպես նաև՝ 200 հազար դրամից ավելի աշխատավարձ ստացողների թիվը։
Բացի այդ, օրենսդրական փոփոխությունների արդյունքում անհատ ձեռնարկատերերը ժամկետից շուտ են ընդգրկվել ապահովագրության համակարգում:
Նախարարը տեղեկացրել է, որ 2027 թվականից համակարգին կմիանան քաղաքացիների նոր խմբեր․ քաղաքացիաիրավական պայմանագրերով աշխատող անձինք, տաքսի ծառայությունների աշխատակիցները, ինչպես նաև բոլոր գրանցված աշխատողները ՝ անկախ աշխատավարձի չափից:
Ավանեսյանի խոսքով՝ պետական բյուջեի նախագծի առաջիկա քննարկումների ընթացքում կքննարկվի ապահովագրության համակարգում քաղաքացիների առանձին խմբերի ընդգրկման հարցը, որոնց համար պետությունը կսուբսիդավորի ապահովագրավճարները 100 տոկոսի չափով: 2028 թվականի հունվարի 1-ից բժշկական ապահովագրության համակարգը պետք է ընդգրկի Հայաստանի ողջ բնակչությանը, ինչի առնչությամբ պետական պատվերի ծրագիրը կվերացվի։
Նախարարը նաև հաղորդել է, որ ապահովագրված 1.7 մլն-ից ապահովագրից արդեն օգտվել է 842.7 հազ.մարդ: Ընդհանուր առմամբ, մատուցվել է 8.3 մլն ծառայություն։ Ծրագրի կատարման մակարդակն այս պահին կազմել է 94.7 մլրդ դրամ։
