Արմինֆո: Հայաստանը քննարկում է որակավորված կազմակերպությունների համար ՄԱԿ-ի զբոսաշրջային ծրագրերին մասնակցելու հնարավորություններ ստեղծելու հարցը: ՀՀ կառավարությունը հաստատել է զբոսաշրջային կենտրոններ կառավարող կազմակերպությունների որակավորման չափանիշները, վկայականների տրամադրման կարգը և դրանց գործունեության հիմնական պահանջները սահմանող օրենքի նախագիծը:
Նախագծի հիմնավորման մեջ ընդգծվում է, որ որոշման նպատակն է խթանել զբոսաշրջային կենտրոնների արդյունավետ կառավարումը, ապահովել զբոսաշրջային ռեսուրսների պահպանումն ու զարգացումը, դիվերսիֆիկացնել զբոսաշրջային արտադրանքը և ստեղծել որակավորված կազմակերպությունների համար ՄԱԿ-ի զբոսաշրջային ծրագրերին մասնակցելու հնարավորություններ: Այս նախաձեռնությունը բխում է զբոսաշրջության զարգացման ռազմավարությունից, որի առաջնահերթություններն են զբոսաշրջային կենտրոնների զարգացումը և համայնքներում զբոսաշրջության խթանումը:
Որակավորված կազմակերպությունների գործունեությունը կնպաստի զբոսաշրջային կենտրոնների ներուժի բացահայտմանը, դրանց բնական և մշակութային ժառանգության պահպանմանը և Հայաստանի զբոսաշրջային արտադրանքի միջազգային հեղինակության բարձրացմանը:
