Արմինֆո.2026 թվականի առաջին կիսամյակում Հայաստանի բանկային համակարգն ապահովել է 214 մլրդ դրամի շահույթ, ինչը 13.6 մլրդ դրամով կամ 6.8% - ով գերազանցում է նախորդ տարվա ցուցանիշը:
Այդ մասին օգոստոսի 4-ին մամուլի ասուլիսի ժամանակ հաղորդել է Հայաստանի բանկերի միության (ՀԲՄ) նախագահ Դանիել Ազատյանը, նշելով, որ ողջ 2025 թվականի շահույթը կազմել է 421 մլրդ դրամ։
Խոսելով աճի տեմպերի դանդաղման մասին՝ նա պարզաբանել է. "Դա պայմանավորված է նրանով, որ անցյալ տարի ավելի նկատելի աճը կառուցվել է ավելի փոքր հիմքի վրա": Որպես մեկ այլ պատճառ ՀԲՄ ղեկավարը նշել է աշխարհաքաղաքական երևույթները: "Եվ եթե մինչև տարեվերջ հասնենք շահույթի 6-7 տոկոս աճի, դա կլինի բնական աճ։ Բայց տեմպերը կարող են ավելի բարձր լինել ՝ հաշվի առնելով երկրորդ կիսամյակում վարկավորման սպասվող ավելի բարձր ակտիվությունը", - նշել է Ազատյանը։
Շահույթի ավանդական աղբյուրները, ինչպես նա հետագայում ասել է, տոկոսային եկամուտներն են (որոնց կառուցվածքում հիմնական բաղադրիչը վարկերն են - խմբ.): Բացի այդ, միջազգային շուկաներում տոկոսադրույքների բարձրացման արդյունքում բանկերը հնարավորություն են ստացել ավելի բարձր տոկոսադրույքով տեղաբաշխել ազատ կարճաժամկետ միջոցներ, ինչը նույնպես ապահովել է լրացուցիչ շահույթ:
ԱրմԻնֆո-ի պատրաստած Հայաստանի բանկերի ֆինանսական վարկանիշի 30.06.2026 թ. տվյալների համաձայն, բանկային համակարգի զուտ շահույթը ս. թ. առաջին կիսամյակի արդյունքներով կազմել է 214.3 մլրդ դրամ կամ 582.5 մլն դոլար՝ տարեկան աճի 17%-ից մինչև 6,8% դանդաղմամբ: Ընդ որում, միայն 2-րդ եռամսյակում զուտ շահույթն աճել է 7%-ով։
