Արմինֆո. Հայաստանի կառավարությունը 2026 թվականի պետական բյուջեի պակասուրդի ֆինանսավորման համար կներգրավի ավելի քան 320 մլն դոլար ընդհանուր գումարի երկու նոր խոշոր վարկ։ Այս վարկային համաձայնագրերի հաստատման հարցն ընդգրկված է կառավարության օգոստոսի 6-ի նիստի օրակարգում:
Որոշման նախագծի հիմնավորման մեջ նշվում է, որ վարկային համաձայնագրերից մեկը՝ 150 մլն դոլարի, կստորագրվի Ասիական զարգացման բանկի հետ: Այդ միջոցները նախատեսված են բյուջետային և ֆինանսական կառավարմանն աջակցելու և պետական պարտքի արդյունավետ վերահսկողության, ինչպես նաև պետական արժեթղթերի շուկայի և ֆինանսական շուկայի զարգացման համար: Վարկը տրամադրվում է 15 տարի ժամկետով, որից երեքը՝ վճարման արտոնյալ ժամանակահատված՝ լողացող տոկոսադրույքով, որը ներկայումս կազմում է 4,58%:
70,3 մլն եվրո արժողությամբ երկրորդ վարկային համաձայնագիրը ստորագրվել է Վերակառուցման և զարգացման միջազգային բանկի հետ։ Այդ ծրագիրն իրականացվում է ՕՊԵԿ Միջազգային զարգացման հիմնադրամի հետ համատեղ, որն, իր հերթին, կտրամադրի 80 մլն եվրո: Համաշխարհային բանկի վարկի ժամկետը 28 տարի է՝ 10 տարի արտոնյալ ժամանակահատվածով, իսկ տարեկան լողացող տոկոսադրույքը կազմում է շուրջ 3,93%: Վարկի միջոցներն ուղղվելու են տնտեսական փոխակերպմանը, ներդրումների և առևտրի ազատականացմանը, թվայնացմանը, ինչպես նաև՝ "կանաչ" տնտեսության անցմանը և կլիմայական բարեփոխումներին:
Հիշեցնենք, որ ընթացիկ տարվա առաջին եռամսյակի վերջի դրությամբ Հայաստանի պետական պարտքը (ներքին և արտաքին) գերազանցել է 14 մլն դոլարը: Բացի այդ, Հայաստանի Կենտրոնական բանկն ունի նաև մոտ 500 մլն դոլարի պարտք
