Արմինֆո. Կենտրոնական բանկը, հավատարիմ մնալով թափանցիկության և հաշվետվողականության սկզբունքներին, շարունակում է "Կրիպտոակտիվների մասին" օրենքի կիրառման համար անհրաժեշտ նորմատիվ ակտերի հանրային քննարկման գործընթացը: Այդ մասին ասվում է երկրի գլխավոր բանկի հաղորդագրությունում։
Շնորհակալություն հայտնելով կրիպտոակտիվների ոլորտը կարգավորող նախագծերի հանրային քննարկումներին ակտիվ մասնակցություն ցուցաբերած բոլոր անձանց՝ ՀՀ ԿԲ-ում ներկայացրել են ոլորտը կարգավորող ևս երկու նախագիծ․ կանոնակարգ 7/07 «Կրիպտոակտիվներով ծառայություններ մատուցող անձանց գործունեության նկատմամբ կանոնները եւ պահանջները» եւ ՀՀ կենտրոնական բանկի խորհրդի 2026 թվականի հունվարի 26-ի «Կրիպտոակտիվներով կնքված գործարքների վերաբերյալ գրանցումների կամ գրառումների կատարման, պահպանման (արխիվացման) եւ դրանց բովանդակության նկատմամբ պահանջները, ինչպես նաեւ դրանք Կենտրոնական բանկ ներկայացնելու կարգը սահմանելու մասին» թիվ 12-Ն որոշման մեջ փոփոխությունները:
«Կրիպտոակտիվներով կնքված գործարքների վերաբերյալ գրանցումների կամ գրառումների կատարման, պահպանման (արխիվացման) եւ դրանց բովանդակության նկատմամբ պահանջները, ինչպես նաեւ դրանք կենտրոնական բանկ ներկայացնելու կարգը» սահմանելու մասին (Հետեւել փոփոխություններին):
ԿԲ-ն կոչ է անում բոլոր շահագրգիռ անձանց նախագծերի վերաբերյալ իրենց դիտարկումներն ու առաջարկությունները ներկայացնել մինչեւ օգոստոսի 26-ը։ ԿԲ-ը խնդրում է դիտարկումներն ու առաջարկություններն ուղարկել [email protected] էլ. Հասցեին։
Ներկայացված առաջարկությունները Կենտրոնական բանկի կողմից ամփոփելուց հետո կկազմակերպվի հանդիպում դիտարկումներով հանդես եկած անձանց եւ կազմակերպությունների ներկայացուցիչների հետ դրանք քննարկելու նպատակով, իսկ ստացված դիտարկումներն ու դրանց վերաբերյալ դիրքորոշումները կհրապարակվեն:
Հիշեցնենք, որ Հայաստանի Կենտրոնական բանկի 2026 թվականի օգոստոսի 12-ի վերոնշյալ նախագծերը նպատակ ունեն խստացնել կրիպտոակտիվների նկատմամբ վերահսկողությունը ՝ շուկան ադապտացիոն շրջանից տեղափոխելով խիստ կարգավորման, որը ներառում է հաշվետվությունների ստանդարտացում և VASP-ի համար 7/07 կանոնակարգի ներդրում: Փոփոխությունները ներդնում են պահանջներ կապիտալի, հաճախորդների ակտիվների պաշտպանության նկատմամբ և սահմանում են գործարքների մետատվյալների աուդիտի խիստ ստանդարտներ:
