ԱրմԻնֆո: TOUR EXPO 2026 միջազգային զբոսաշրջության, ճանապարհորդությունների և հյուրընկալության ցուցահանդեսը կանցկացվի Երևանում: Միջոցառումը կհավաքի աշխարհի տարբեր երկրների զբոսաշրջային ոլորտի ներկայացուցիչների, այդ թվում՝ տուրօպերատորների, ավիաընկերությունների, հյուրանոցների, հանգստավայրերի և այլ ոլորտային ընկերությունների, Երևանի երկաթուղային կայարանում:
Ցուցահանդեսը կներկայացնի նոր զբոսաշրջային ուղղություններ և ճանապարհորդական առաջարկներ: Այցելուները հնարավորություն կունենան ստանալ հատուկ առաջարկներ հյուրանոցներից, հանգստավայրերից և տուրօպերատորներից, ինչպես նաև անմիջականորեն հանդիպել առաջատար ընկերությունների և զբոսաշրջային ոլորտի մասնագետների հետ:
TOUR EXPO 2026-ի մասնակիցների թվում կլինեն Սյունիքի օդանավակայանը (Կապան) և NovAir Airlines-ը: Այցելուները կտեղեկացվեն Երևան-Կապան-Երևան չվերթի, առաջիկա ծրագրերի և նոր հնարավորությունների, ինչպես նաև առկա տոմսերի տարբերակների մասին: Բացի այդ, անմիջական հանդիպումներ կանցկացվեն գործընկեր կազմակերպությունների ներկայացուցիչների հետ։
Սյունիքի օդանավակայանի աշխատակիցները կներկայացնեն նաև տարածաշրջանի զբոսաշրջային տեսարժան վայրերը, պատմամշակութային
հուշարձանները և կկիսվեն հետաքրքիր զբոսաշրջային երթուղիների մասին տեղեկատվությամբ։
Միջոցառումը տեղի կունենա սեպտեմբերի 5-6-ը Երևանի երկաթուղային կայարանի գլխավոր դահլիճում (Տիգրան Մեծի փողոց, 80): Ցուցահանդեսի պաշտոնական գործընկերը ՀՀ զբոսաշրջության կոմիտեն է։
