Արմինֆո. Եվրոպական միության խորհուրդը պաշտոնապես հաստատել է հայկական արտադրանքի 80%-ի առևտրի ազատականացման ժամանակավոր միջոցները, որոնք ուղղված են Ռուսաստանի կողմից սահմանված առևտրային սահմանափակումներից հետո Հայաստանի տնտեսությանն աջակցելուն: Այդ մասին ասվում է ԵՄ խորհրդի որոշման մեջ։
Որոշման համաձայն, Եվրամիություն հայկական արտահանման շուրջ 80 տոկոսը առեւտրային արտոնություններ կստանա. ապրանքների լայն ցանկի համար, ներառյալ գյուղատնտեսական արտադրանքի առանձին տեսակներ, կկասեցվեն ներմուծման մաքսատուրքերը: Ժամանակավոր արտոնյալ ռեժիմը կգործի երկու տարի։ ԵՄ խորհրդում նշել են, որ նոր միջոցառումները կօգնեն աջակցել և ամրապնդել Հայաստանից դեպի Եվրոպական միություն առևտրային հոսքերը՝ համաձայն Համապարփակ և ընդլայնված գործընկերության համաձայնագրի (CEPA) նպատակների:
Ընդ որում, մեխանիզմը որոշակի պայմաններ եւ պաշտպանական միջոցներ է նախատեսում ԵՄ շուկայի համար՝ այն դեպքում, եթե հայկական արտադրանքի ներմուծումը բացասական ազդեցություն ունենա եվրոպական արտադրողների վրա: ԵՄ խորհրդի որոշումն ընդունվել է Եվրախորհրդարանի կողմից Եվրահանձնաժողովի առաջարկին հավանություն տալուց հետո ՝ առանց փոփոխություններ կատարելու:
