ԱրմԻնֆո. Լատվիայի Սննդի և անասնաբուժական ծառայությունը հայտնել է Հայաստանից 57.6 կգ կանաչ թեյի խմբաքանակում ԵՄ-ում արգելված թունաքիմիկատ հայտնաբերելու մասին:
Տեղական լրատվամիջոցների հաղորդմամբ՝ լաբորատոր փորձարկումները նաև բացահայտել են երկու այլ թունաքիմիկատների թույլատրելի մակարդակից գերազանցում: 8810 խմբաքանակում հայտնաբերվել է տոլֆենպիրադ, որը հաստատված չէ ԵՄ-ում օգտագործման համար, մինչդեռ լամբդա-ցիհալոտրինը և թիամեթոքսամը գերազանցել են թույլատրելի առավելագույն մակարդակը:
Ստուգումից հետո բեռի մուտքը Եվրամիություն մերժվել է: Այս խմբաքանակի բաշխումն արգելված է. արտադրանքը պետք է ոչնչացվի կամ ուղարկվի ԵՄ-ից դուրս գտնվող երկիր, ասվում է գործակալության հայտարարության մեջ:
Լատվիայի ծառայությունը հայտնաբերված խախտումների մասին հայտնել է անապահով սննդի և կերերի վերաբերյալ Եվրոպական արագ ահազանգման համակարգին (RASFF):
