Արմինֆո."Լիդիան Արմենիա"-ն ոսկու ներկայիս գների պայմաններում հարկերի գծով տարեկան մինչև 130 մլն դոլար կուղղի պետական բյուջե: Այդ մասին լրագրողների հետ զրույցում հաղորդել է ՀՀ էկոնոմիկայի նախարար Գևորգ Պապոյանը,՝ նշելով, որ ոսկու արժեքի բարձրացման միտում կա:
Ընդ որում, նրա խոսքով, ձեռնարկությունը նաեւ ՀՆԱ-ի վրա ազդեցություն կունենա 1-1, 5 տոկոսի չափով, արդեն ստեղծվել է 1600 ուղղակի աշխատատեղ եւ՝ մինչեւ 4000 անուղղակի: "Նախագծի մեկնարկն էապես կմեծացնի մեր արտահանումը եւ կուժեղացնի տնտեսությունը", - ասել է Պապոյանը։
Էկոնոմիկայի նախարարը նաև ընդգծել է, որ իրականացվող բոլոր ուսումնասիրությունները ցույց են տվել, որ Ամուլսարի հանքավայրի ազդեցությունը շրջակա միջավայրի վրա աննշան է: Պաշտոնյայի ասելով, առնվազն, չեն հաստատվել այն բացասական պատմությունները, որոնց մասին խոսվում էր։ Նա նշել է, որ "Լիդիան Արմենիան" կիրառում է նորագույն տեխնոլոգիաներ և մեթոդներ, որոնք կիրառվում են Կանադայում և ԱՄՆ-ում:
Նշելով, որ մշտապես հանդես է եկել Ամուլսարի հանքավայրի շահագործման օգտին, Պապոյանն ընդգծել է. "Մեր տնտեսությունը դժվար է պատկերացնել առանց Ամուլսարի, Զանգեզուրի պղնձամոլիբդենային կոմբինատի եւ նմանատիպ այլ հանքարդյունաբերական հսկաների: Դա պետք է ընդունել։ Մենք ունենք երկարաժամկետ զարգացման ծրագիր, որը ներառում է նման բաղադրիչներ։ Եվ մենք պատրաստվում ենք լինել տնտեսապես ոչ թե թույլ, այլ ուժեղ երկիր", - ընդգծել է նա։
Հարցին, թե արդյոք էկոնոմիկայի նախարարը երաշխավորում է, որ Ամուլսարի նախագիծը վտանգ չի ներկայացնում Սեւանա լճի եւ Ջերմուկի համար, Պապոյանը նշել է, որ այդ երաշխիքներն արդեն ապահովված են մասնագետների կողմից նախկինում իրականացված հետազոտություններով:
Նշենք, որ հոկտեմբերի 10-ին տրվել է Ամուլսարի հանքի աշխատանքի մեկնարկը։ Փաշինյանը, գործարկելով աշխատանքը, հայտարարել է, որ "Ամուլսար" ոսկու հանքը տարեկան կարտադրի մոտ 210 000 ունցիա ոսկի։ Նշվում է, որ հանքի շահագործման արդյունքում "Լիդիան Արմենիա"-ի կողմից պետական բյուջե վճարվող տարեկան հարկերն ու մասհանումները կկազմեն մոտ 130 մլն դոլար, ինչը դրական ազդեցություն է կունենա Հայաստանի ՀՆԱ-ի վրա՝ 1,5-2% - ի չափով: Ակնկալվում է, որ "Ամուլսար" նախագիծը կապահովի ավելի քան 4000 ուղղակի և անուղղակի աշխատատեղ: Կառավարության, "Լիդիան Արմենիա" ընկերության և Ջերմուկ, Վայք ու Սիսիան համայնքների միջև ստորագրված համայնքների զարգացման շուրջ համաձայնագրի համաձայն, նախատեսվում է տարեկան 7-9 մլն դոլար հատկացնել համայնքների սոցիալ-տնտեսական զարգացման ծրագրերին ՝ հանքի շահագործման ողջ ժամանակահատվածում: Նախագիծն իրականացվում է "Լիդիան Արմենիա" ընկերության և ՀՀ կառավարության միջև ռազմավարական համագործակցության շրջանակներում: Ընկերությունն, ընդհանուր առմամբ, շուրջ 750 մլն դոլարի ներդրում է կատարել նախագծում, որից 150 մլն դոլարն ապահովված է ՀՀ կառավարության կողմից տրված պետական երաշխիքով: Բնապահպանները քննադատել են Հայաստանի իշխանությունների այս որոշումը, ընդգծելով, որ հանքի գործունեությունն անդառնալի վնաս է կհասցնի Ջերմուկ առողջարանին և Սևանա լճին:
