Չորեքշաբթի, 6 Հուլիսի 2011 20:17
Արդշինինվեստբանկի ղեկավարը նշում է տնտեսական աճի վերականգնում և կայունացում
Արմինֆո. Արդշինինվեստբանկի ղեկավարությունը նշում է Հայաստանի տնտեսական աճի վերականգնման և կայունացման միտումեր, ինչի շնորհիվ 2011 թվականի ավարտին ՀՆԱ աճը կկազմի 4-5%:
Ինչպես ԱրմԻնֆո գործակալության հետ հարցազրույցում նշել է Արդշինինվեստբանկի Վարչության նախագահի պաշտոնակատար Կարապետ Գևորգյանը, ընթացիկ տարվա համար երկրի տնտեսության սպասումները դրական են, կապված համաշխարհային տնտեսության ճգնաժամից վերջնականորեն դուրս գալու հետ: Հիմնական գործընկեր-երկրներում, նրա խոսքերով, ՀՆԱ ակնկալվող իրական աճը կկազմի, մասնավորապես, ԱՊՀ երկրներում` 4%, Ամերիկայում` 2.8% և ԵՄ երկրներում 2.4%:
ՙՀամաշխարհային տնտեսության առողջացումը դրական ազդեցություն կունենա Հայաստանի տնտեսության վրա: Մասնավորապես, կմեծանան արտահանման ծավալները, մանավանդ վերամշակման և լեռնարդյունաբերության ոլորտներում, ինչը կմեծացնի վարկերի պահանջարկը և կբարելավի բանկի կորպորատիվ հաճախորդների ֆինանսական վիճակը՚,-նշել է Կ.Գևորգյանը:
Բանկիրի խոսքերով, ընթացիկ տարում սպասվում է դեպի Հայաստան մասնավոր փոխանցումների ծավալների, ինչպես նաև բնակչության եկամուտների աճ, ինչն էլ իր հերթին դրականորեն կազդի բանկի մանրածախ բիզնեսի վրա: ՙՍպառողական պահանջարկի աճը դրականորեն կանդրադառնա ոչ միայն սպառողական վարկավորման ծավալների աճի և տնտեսության մի շարք հատվածների, մասնավորապես, առևտրի և ծառայությունների ոլորտի վրա, որտեղ աճը կտատանվի 3.5-5.5% սահմաներում՚,-ընդգծել է նա: Ինչպես գտնում է բանկիրը, համաշխարհային տնտեսության վերականգնմանը զուգահեռ կշարունակվի գների աճը միջազգային շուկայում: Մասնավորապես, սպասվում է արդյունաբերական ապրանքների և թանկարժեք մետաղների թանկացում, ինչի արդյունքում կարելի է ակնկալել Հայաստանի արդյունաբերական հատվածի 6-7% աճ, լեռնարդյունաբերության ոլորտում ծավալների մեծացման հաշվին: Բացի այդ, Կ Գևորգյանը նշել է, որ 2011 թվականին շինարարության ոլորտում կանխատեսվում է 2-4% աճ, ինչը կապահովվի պետբյուջեից հատկացված միջոցների, մասնավորապես, աղետի գոտու շինարարությանը, ինչպես նաև Համաշխարհային Բանկի և Ասիական Զարգացման բանկի միջոցներով Հյուսիս-Հարավ մայրուղու շինարարությանը տրամադրված միջոցների հաշվին: Բանկիրը նշել է նաև գյուղատնտեսության ոլորտում ակնկալվող 7-9% աճը: ՙՎերջին տարիներն նկատվող գյուղմթերքների արտահանումների ակտիվացումը կարող է նշանակալից խթան հանդիսանալ այդ ոլորտի զարգացման համար: Այնուաամենայնիվ, կլիմայական անբարենպաստ պայմանների դեպքում, այդ ոլորտում հնարավոր է ոչ միայն անկում, այլ նաև բացասական ազդեցություն՚,-ընդգծել է նա:
ՀՀ Կենտրոնական բանկի կողմից ընթացիկ տարվա համար պլանավորված ինֆլյացիայի 4%¥+/-1.5%¤ մակարդակի փոխարեն Արդշինինվոստբանկը, նրա խոսքերով, 2011 թվականին սպասում է 5-7% ինֆլյացիա: ՙԱյս կանխատեսումը հիմնված է միջազգային շուկայի բացասական ազդեցությունների, մասնավորապես, ցորենի, շաքարի և այլ պարենային ապրանքների գների աճի վրա: Բացի այդ, կան նաև ռիսկեր, կապված նավթի համաշխարհային գների հետ՚,- ընդգծել է Կ.Գևորգյանը: Նրա խսքերով, ինֆլյացիայի բարձր մակարդակը կարող է ազդել նաև ԱՄՆ և ԵՄ դրամավարկային մարմինների որոշումների վրա, կապված վերաֆինանսավորման տոկոսադրույքի բարձրացման հետ, ինչն էլ իր հերթին կբերի միջազգային մյուս տոկոսադրույքների աճին:
Միաժամանակ, ինչպես նկատել է Կ.Գևորգյանը, 2011 թվականին կարելի է սպասել ՀՀ դրամի վրա որոշ գործոնների ազդեցություն: ՙԱրտաքին առևտրի բացասական հաշվեկշռի աճը կնպաստի արտարժույթի դեվալվացիային, իսկ դրամական փոխանցումների աճը` ռեվալվացիային: Ընդ որում, Ռուսաստանի տնտեսության վերականգնմանը զուգահեռ դեպի Հայաստան դրամական փոխանցումները կշարունակեն աճել ավելի արագ տեմպերով՚,-ընդգծել է նա:
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները