Արմինֆո. Հայաստանի պատվիրակությունը Աբու Դաբիում (ԱՄԷ) կմասնակցի Էներգիայի վերականգնվող աղբյուրների միջազգային գործակալության (IRENA) գլխավոր ասամբլեայի տասներորդ նստաշրջանին: Երկրի պատվիրակությունը կգլխավորի տարածքային կառավարման և ենթակառուցվածքների նախարարի տեղակալ Հակոբ Վարդանյանը: Համապատասխան որոշումը ստորագրել է վարչապետ Նիկոլ Փաշինյանը:
Ըստ կառավարության կայքի՝ միջոցառումը տեղի կունենա հունվարի 11-12-ը։ Հայաստանի պատվիրակության մասնակցության հետ կապված բոլոր ծախսերը կիրականացվեն պետական բյուջեի միջոցների հաշվին։ Հակոբ Վարդանյանին հանձնարարվում է գործուղման արդյունքների վերաբերյալ հաշվետվություն ներկայացնել վարչապետի աշխատակազմ։
Էներգիայի վերականգնվող աղբյուրների միջազգային գործակալությունը հիմնադրվել է 2009 թվականին՝ էներգիայի վերականգնվող աղբյուրների օգտագործմանն աջակցելու համար:
Կազմակերպությունը ստեղծվել է 2009 թվականի հունվարի 26-ին Բոննում՝ Գերմանիայի կառավարության նախաձեռնությամբ։ Հիմնադիր խորհրդաժողովում 75 պետություններ ստորագրել են գործակալության կանոնադրությունը։ 2009թ. հունիսին որպես կազմակերպության ժամանակավոր կենտրոնակայան ընտրվել է Աբու Դաբին:
RUB | 4.27 | 0.02 |
USD | 388.09 | 0.57 |
EUR | 421.93 | 2.44 |
GBP | 491.67 | 3.28 |
CAD | 284.77 | 0.52 |
JPY | 25.09 | 0.21 |
CNY | 53.77 | 0.12 |
CHF | 430.06 | 2.10 |