Ուրբաթ, 24 Սեպտեմբերի 2010 18:33
ՙՊրոԿրեդիտ Բանկը՚ խորհրդի նիստ կանցկացնի Հայաստանում
ԱրմԻնֆո. ՙՊրոԿրեդիտ Բանկի՚ բացման օրվանից ի վեր առաջին անգամ բանկի խորհրդի նիստը տեղի է ունենալու Հայաստանում: Ինչպես ԱրմԻնֆո գործակալությանը հաղորդեցին բանկի հասարակայնության հետ կապերի բաժնից, նիստի ընթացքում Բանկի խորհրդի անդամները կներկայացնեն իրենց տեսակետները` Հայաստանի ՙՊրոԿրեդիտ Բանկի ձեռքբերումների՚, ընթացիկ գործունեության և հետագա զարգացման վերաբերյալ:
Աղբյուրի համաձայն, նիստին ներկա կլինեն ՙՊրոԿրեդիտ Բանկի՚ խորհրդի նախագահ Քրիստոֆ Ֆրեյթագը, ՙՊրոԿրեդիտ Հոլդինգ՚ խորհրդի նախագահի տեղակալ Շթեֆան Բովենը, ՙՊրոԿրեդիտ Հոլդինգ՚ խորհրդի անդամներ Ֆիլիպ Պոտը, Յանա Սիվկովան (ՙՎերակառուցման և Զարգացման Եվրոպական Բանկ՚ (EBRD), Ջերալդ Հյուբները (KfW):
ՙՊրոԿրեդիտ Բանկն՚ իր գործունեությունը Հայաստանի Հանրապետությունում սկսել է 2008թ. փետրվարի 5–ին։ Այն հանդիսանում է Հայաստանում բանկային ծառայությունների ամբողջական փաթեթ տրամադրող, 100% արտերկրյա կապիտալով բանկ, որի գործունեությունն ուղղված է փոքր և միջին ձեռնարկություններին և ֆիզիկական անձանց բարձրակարգ բանկային ծառայություններ մատուցելուն։
Հայաստանի ՙՊրոԿրեդիտ Բանկը՚ հանդիսանում է ՊրոԿրեդիտ խմբի անդամ, որը բաղկացած է Արևելյան Եվրոպայում, Աֆրիկայում և Լատինական Ամերիկայում գործող 21 ֆինանսական կառույցներից, որոնց գործունեությունը ղեկավարվում և վերահսկվում է խմբի մայր ընկերության`Մայնի Ֆրանկֆուրտում (Գերմանիա) գտնվող ՙՊրոԿրեդիտ Հոլդինգ՚ ԲԸ (ProCredit Holding AG) կողմից: ՙՊրոԿրեդիտ Բանկի՚ հիմնադիրներ են հանդիսանում այնպիսի միջազգային հեղինակավոր կազմակերպություններ, ինչպիսիք են՝ ՙՊրոԿրեդիտ Հոլդինգ՚ ԲԸ (ProCredit Holding AG) – 68.46% բաժնեմասով, ՙՎերակառուցման եւ զարգացման եվրոպական բանկ՚ (EBRD) – 16.67% բաժնեմասով,ՙԶարգացման Բանկ՚ (KfW) – 14.87% բաժնեմասով։ 2008 թվականի փետրվարից սկսած Բանկն ունի ավելի քան 11000 հաճախորդ, ներառյալ խնայողական ծառայություններից օգտվողները, ինչպես նաև շուրջ 43մլն. ԱՄՆ դոլարին համարժեք վարկային պորտֆել և ավելի քան 22մլն. ԱՄՆ դոլարին համարժեք հաճախորդներից ներգրավված միջոցներ։ Բանկը գլխամասից բացի ունի 9 մասնաճյուղ, որոնցից 6-ը` Երևանում, իսկ 3-ը` ՀՀ մարզերում:
Telcell-ը դուրս է գալիս ինստիտուցիոնալ զարգացման ուղի
Պետությունը պետք է ներդրողի հետ փոխհարաբերությունների կոշտ կանոններ սահմանի, այլ ոչ թե անկանոն կապերի մեջ մտնի նրա հետ. Արթուր Աշուղյան
Կառավարությունը հաստատել է Հայաստանի 2024-2040թթ. ժողովրդագրական ռազմավարությունը
«Հայաէրոնավիգացիա» ՓԲԸ-ն նոր գլխավոր տնօրեն ունի
Փորձագետ. Առաջիկա 2-3 տարում Հայաստանում անշարժ գույքի գները կբարձրանան
ՊԵԿ նախկին ղեկավար. Հայաստանում տնտեսությունն ու երկիրը փաստացի մրցում են, թե դրանցից որն ավելի արագ կփլուզվի