Երեթշաբթի, 17 Մայիսի 2011 15:35

Սակագները որպես հայ ապահովագրողների մաթեմատիկական մտքի հաղթանակի խորհրդանիշ

«ԻՆԳՈ Արմենիա» ապահովագրական ընկերության գործադիր տնօրեն Լևոն Ալթունյանի հարցազրույցը ԱրմԻնֆո գործակալությանը

Պրն.Ալթունյան, ավելի քան 4 ամիս է, ինչ Հայաստանում գործում է ԱՊՊԱ մասին օրենքը: Պատմեք օրենքի կիրառման առաջին արդյունքների մասին, մասնավորապես այն մասին, թե ինչպիսի ճշգրտությամբ են հաշվարկված պարտադիր ապահովագրության սակագները:

Չնայած այն բանին, որ մեր բնակչությունը, մասնավորապես, ավտոսիրողները, սկզբում վախեցած էին սակագներից, անհրաժեշտ է նշել, որ սակագները դարձան հայ ապահովագրողների մաթեմատիկական մտքի հաղթանակը: Այս փուլում դրանք ամբողջովին հավասարակշռված են, իսկ վնասաբերությոնը պահպանվում է ընդունելի սահմաններում: Այնուամենայնիվ, դեռևս կան որոշակի թերություններ, որոնք ես կապում եմ ապահովագրական պատահարների կարգավորման գործընթացի բարձր ծախսերի հետ: Հայտնի է, որ երբ մարդն սկսում է լողալ սովորել, ապա նա ավելի շատ էներգիա է ծախսում, քան արդեն փորձված լողորդը: Նույնը տեղի է ունենում նաև մեզ մոտ, ներկայումս մենք վնասների կարգավորման համար լուրջ միջոցներ ենք ծախսում, որոնք ներգրավում են ԱՃՊ վայր հասնելու տրանսպորտային միջոցների նյութական բազայի ձեռքբերումը, ԱՊՊԱ գծով հավաքագրված պրեմիաների մոտ կես տոկոսը ծախսվում է անձնակազմի պատրաստմանը և նրանց ունակությունների կատարելագործմանը: Մի խոսքով, մենք նախատեսում ենք ստեղծել ոչ միայն բնակչությանը ծառայություն մատուցող կառույց, այլ նաև հասարակական օգտակար կառույց` ճանապարհային երթևեկության անվտանգության տեսանկյունից վերցրած:

Ինչպիսի՞ ճշգրտությամբ էր հաշվարկված պատասխատվության սահմանաչափը:

Սահմանաչափը հաշվարկված էր այնպիսի ճշգրտությամբ և ավելցուկով, որ մեր որոշ գործիչներ զանազան փորձեր են նախաձեռնում, որպեսզի, այնուամենայնիվ, ամբողջությամբ ծախսվի այդ սահմանաչափը: Օրինակ, վթարների արդյունքում ստացված փոքր վնասվածքների և ուռուցքների համար հաճախ պահանջում են հատուկ բուժում, հետևաբար, նման բուժման ծախսերն էլ համապատասխանաբար բարձր կլլինեն: Հետևաբար, այդ գործիչներն առաջարկում են ներդնել «վճարովի պալատներ» հասկացողությունը:

Որպես պարտադիր պայմա՞ն:

Որպես ապահովագրական ընկերությունների կողմից նախատեսվող ծախս: Ես փոքր ինչ տարօրինակ եմ համարում այդ ցանկությունը, դրանով իսկ հայրենական բուժհաստատություններին օգնելու նրանց այդ ձգտումը: Այնուամենայնիվ, նման առաջարկություններ և գաղափարներ գոյություն ունեն: Բնական է, որ ապահովագրողներն էլ իրենց հերթին են բերում փաստեր, պնդելով, որ որ նման փոփոխությունների իրականացումը սխալ է, քանի որ այն զգալիորեն կմեծացնի պրոդուկտի վնասաբերությունը:

Իսկ ինչպե՞ս են իրենց պահում բուժհաստատությունների աշխատակիցները, երբ նրանց մոտ են բերվում վթարներից տուժված քաղաքացիներ:

Բուժանձնակազմի կողմից իրավիճակը չհասկանլու կամ չընբռնելու պրոբլեմներ մինչև օրս չեն նկատվել, չհաշված մի քանի փոքր բախումներ, ընդ որում` երրորդ կարգի կլինիկաներում: Ապահովագրական ընկերությունների և բուժհաստատությունների միջև ձևավորված գործընկերային հարաբերությունների հաստատումն, առաջին հերթին, ապահովագրողների շնորհքն է: Որպես ապացույց նշեմ, որ համաձայն մեր ներքին նորմատիվի, ընկերության մասնագետը յուրաքանչյուր ժամ այցելում է հիվանդանոցում գտնվող տուժածին, սեփական հսկողության տակ վերցնելով բուժման ողջ գործընթացը: Ընդ որում, տեղում անմիջապես կասեցվում են այն գործոնները, որոնք անհիմն կերպով կարող են բարձրացնել տուժածի բուժման ծախսերը:

Պրն,Ալթունյան, ի՞նչն է այսօր ապահովագրողներին խանգարում բարձրացնել ապահովագրական պատահարների կարգավորման օպերատիվությունը:

Ապահովագրական պատահարների կարգավորման օպերատիվության պատճառների մասին խոսելիս առաջին հերթին կնշեի «պիկ ժամերը», որի ժամանակ վթարային կոմիսարները միշտ չէ, որ կարողանում են սահմանված ժամկետներում հասնել դեպքի վայր: Դա նկատվում է, մոտավորապես, աշխատանքային օրվա սկզբին և օրվա երկրորդ կեսերին` ժամը 15-ից 17-ը, չհաշված անձրևային եղանակները, ձյունը և սահույցը:

Այսինքն, պրոբլեմներն առաջանում են ճանապարհային ենթակառույցների անկատարությունի՞ց:

Բնականաբար: Վատ ճանապարհները, ոչ այնքան գրագետ ձևով կառուցված ուղեբաժաններն ու կանգառները, ոչ այնքան ճիշտ նշագծերը, երթևեկության արագության անարդյունավետ կարգավորումը, այս ամենը ապահովարողների համար խորընդոտներ են ստեղծում: Բացի այդ, չի կարելի չնշել հայ վարոդների որակավորման ցածր մակարդակը, մանավանդ քաղաքային երթևեկության պայմաններում: Բավական չէ, որ ծանոթ չեն երթևեկության կանոններին, դեռ մեքենա վարել էլ չգիտեն:

Միգուցե հարկավոր է բարձրացնե՞լ ճանապարհային երթևեկության կառավարման արդյունավետությունը:

Ավելի շուտ հարկավոր է բարձրացնել ավտոմեքենա վարելու ուսուցման արդյունավետությունը, ավելի խստացնել վարորդների սերտիֆիկացիայի կամ վարորդական իրավունքի տրամադրման պայմանները: Բացի խցանումներից, ապահովագրողների համար պրոբլեմներ են ստեղծում նաև շատ ձեռներեց քաղաքացիները, այսինքն` վարորդները: Հաճախ նրանք փորձում են որպես մեղավոր կողմ հայտարարել այն վարորդին, որի մեքենան ամենաշատն է վնասվել, որպեսզի ավելի մեծ վնասը հատուցվի ապահովագրական ընկերության կողմից:

Եվ հաճա՞խ են նման դեպքերը:

Բավականին հաճախ: Չի լինում այնպիսի շաբաթ, որ նման դեպք տեղի չունենա:

Հաջողվո՞ւմ է խափանել կեղծարարության փորձերը:

Ինչ-որ չափով այո: Բայց մենք աշխատում ենք հնարավորինս մեղմ վերաբերվել նման վարորդներին: Դրանով մենք նրանց ժամանակ և հնարավորություն ենք տալիս հասկանալ, որ նրանց ոչ ոք չի պատրաստվում խաբել: Միայն դրանից հետո, երբ նրանք սկսում են գիտակցել այդ ամենը, սկսում են հասկանալ, որ մեզ էլ նրանք էին անտեղի խաբում:

Այսինքն, շատ վարորդներ սկզբունքայնորեն դեռ պատրաստ չեն ԱՊՊԱ-ին, իսկ նրանց մի մասն էլ պրոդուկտն ընկալում է որ պես դրամաշորթության մի նոր ձև՞:

Նրանք, ովքեր ԱՊՊԱ գծով փոխհատուցման վճարներ են ստանում, արդեն պատրաստ են և ուրախ, որ ԱՊՊԱ-ն գոյություն ունի, ուրախ են մանավանդ գործարարները, ձեռներեցները, տաքսիստները և այն ապահովադիրները, որոնց համար տրանսպորտային միջոցը հանդիսանում է փող վաստակելու գլխավոր աղբյուրը:

Պրն.Ալթունյան, այնուամենայնիվ, իսկ ի՞նչ է կատարվում ավտոկասկո-ի պոլիսների հետ: Դեռ չի՞ սկսվել այդ շուկայի ակնկալվող ակտիվությունը…

Ավտոկասկո-ի շուկայի ակտիվությունը դեռևս չի կարող բարձրանալ, քանի որ մարդկանց ստիպեցին ԱՊՊԱ պոլիս գնելու համար հրաժարվել որոշակի գումարից: Չեմ կարծում, որ նրանք կցանկան ավելին ծախսել կասկո պոլիս ձեռքբերելու համար, օրինակ, 80 հազ.դրամ: Այդպես չի լինում: Ավտո-կասկո հատվածում ակտիվությունը կսկսի աճել ապահովագրական գործակալների պրոֆեսիոնալ աճին զուգընթաց, որոնք պետք է սովորեն ոչ թե ճմրթված պոլիսը հաճախորդը ձեռքը խոթել, այլ գրագետ ձևով այն վաճառել:

Պարզապես, կա՞ վարորդների մի որոշակի խումբ, որոնց հետ արդեն այսօր կարելի է աշխատել:

Անկասկած: Այսօր ավտոսեփականատերերը տարին մեկ անգամ, իսկ ոմանք ավելի հաճախ, մասնավորապես, երբ գնում են կարճաժամկետ պոլիսներ, բախվում են ապահովագրողների հետ: Գործակալներն էլ վարորդների հետ շփվելիս պետք է ունենան այնպիսի պրոֆեսիոնալիզմ ու լինեն այնքան համոզիչ, որպեսզի վերջիններս հասկանան նաև կասկո-ի պոլիսի անհրաժեշտությունն ու կարևորությունը հուսալի պաշտպանվածության համար:

Ի դեպ, նախորդ շաբաթ մեր ընկերությունն ընդունել է ապահովադիրների համար, մեր կարծիքով, մի շատ կարևոր որոշում: Այն հետևյալն է. եթե հաճախորդն ունի մեր ընկերության կասկո-ի գծով պոլիս, ապա ԱՊՊԱ գծով վնասները հատուցում ենք ամենասեղմ ժամկետներում` 1-5 օրում: Իսկ հետագայում արդեն փոխհատուցում ենք ստանում այն ընկերությունից, որը պատասխանատու է տվյալ վնասի համար: Այդ նորամուծության անհրաժշտությունը բացատրվում է նրանով, որ ԱՊՊԱ գծով հատուցման գործընթացը հստակ սահմանված է օրենսդրությամբ և չի կարող ընդգրկել մեկ շաբաթից պակաս ժամկետ: Իսկ ծանր դեպքերում այդ գործընթացը կարող է հասնել մեկ ամսի:

Նմանատիպ միջոցառումներ, որոնք իրոք կնպաստեն մեր հաճախորդների պաշտպանվածության բարձրացմանը, մենք կիրականացնենք նաև ապագայում:

Այստեղ կարելի է նշել նաև խորհրդատվությունները ձեր ապահովադիրների հետ, երբ նրանք դառնում են պատահարի մեղավոր կողմ:

Անկասկած: Եթե նկատեցիք, մեր բլոր միջոցցառւմները կրում են երկարաժամկետը բնույթ: Այսօր բազմաթիվ հաճախորդներ ձեռք բերելու նպատակով գովազդային մեծ գումարներ ծախսելը մեծ խելք չի պահանջում: Միաժամանակ, կա նաև վտանգ, որ ուռճացնելով պերտֆելը, չկարողանաս մատուցել անհրաժեշտ որակյալ ծառայությունը: Մենք, այնուամենայնիվ, զարգացման էվոլյուցիոն ճանապարհի կողմնակիցն ենք, աստիճանաբար մեծացնելով մեր ծառայությունների որակը, աշխատակազմի մեծացման և պրոֆեսիոնալիզմի բարձրացման հաշվին, միաժամանակ, աստիճանաբար մեծացնելով նաև պորտֆելը:

Պրն Ալթունյան, այսօր շրջաններում ընկերության գործակալները ռեկորդներ են խփում: Պատմեք, ինչպե՞ս է իրականացվում ԱՊՊԱ պոլիսների սպասարկումը երկրի շրջաններում: Հավանաբար հաճա՞խ եք ստիպված լինում բախվել ագրեսիաների:

Շրջաններում ագրեսիաների դեռևս չենք բախվել: Շրջանների բնակչությունը ԱՊՊԱ-ին վերաբերվում են շատ նորմալ: Հարկավոր է նշել, որ հատուցման յուրաքանչյուր դեպք, լավ սպասարկման յուրաքանչյուր դեպք, դառնում է ապահովագրական ընկերության համար արժանի գովազդ և փրոմո-ակցիա: Սակայն, հարկավոր է նաև նշել, որ սխալի, խոտանի յուրաքանչյուր դեպք շրջաններում ավելի մեծ արձագանքի է արժանանում, քան քաղաքում: Հատևաբար, մարզերում էլ մենք խստորեն ենք վերաբերվում բոլոր նորմատիվների կատարմանը:

Որքա՞ն հատուցում է իրականացրել ընկերությունը տարեսկզբից ի վեր:

Տարեսկզբից ի վեր մենք հատուցել են մոտ 270 մլն.դրամ: Այդ գումարի 10-15%-ը, որպես կանոն, գտնվում է ապահովագրական պատահարները քննարկող կենտրոնում: Իսկ ավտոկասկո-ի գծով ապահովագրական հատուցումները կազմել են մոտ 120 մլն.դրամ:

Պրն.Ալթունյան. բոլորովին վերջերս շուկայում տեղի ունեցավ ապահովագրական պորտֆելի փոխանցման հերթական գործարքը: Ինչպե՞ս կարելի է բացատրել այդ ընկերությունների գործողությունները:

Անգամ եթե շուկայում կան ոչ այնքան ակտիվ ընկերություններ, միևնույն է, ետևում կանգնած են բավականին հզոր կառույցներ, և այդ ընկերությունների ներկայիս դրությունը կարելի է բացատրել բիզնեսի այդ հատվածին բաժնետերերի հետաքրքության բացակայությունով: Այսօր, իմ կարծիքով, իմաստ չունի որևէ ապահովագրական ընկերության ֆինանսական անկայունության մասին խոսելը, ցանկության դեպքում տերերը միշտ էլ կարող են առողջացնել իրավիճակը: Պարզապես, յուրաքանչյուրը գործում է իր ռազմավարական պլանի և զարգացման պլանի շրջանակներում:

Այս տարի կլինե՞ն արդյոք նմանատիպ գործարքներ:

Նման բան առայժմ չեմ լսել:

Էլիտա Բաբայան

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.29	0.03
USD	387.97	0.37
EUR	421.76	1.64
GBP	492.84	2.53
CAD	284.92	0.76
JPY	24.91	0.04
CNY	53.64	0.01
CHF	426.90	0.68

Նորություններ

Սակագները որպես հայ ապահովագրողների մաթեմատիկական մտքի հաղթանակի խորհրդանիշ