Ուրբաթ, 9 Դեկտեմբերի 2011 14:50
Հայաստանի ապահովագրողների ակտիվները մեկ տարում աճել են 65.3 տոկոսով
ԱրմԻնֆո. Հայաստանում գործող 8 ապահովագրական ընկերություների ակտիվները տարեկան կտրվածքով աճել են 65.3%: Ընթացիկ տարվա երրորդ եռամսյակում ակտիվներն աճել են 2.2%, հոկտեմբերի 1-ի դրությամբ կազմելով 28.8 մլրդ.դրամ կամ 77.4 մլն.դոլար:
Ըստ ԱրմԻնֆո գործակալության կողմից պատրաստված` Հայաստանի ապահովագրական ընկերությունների Ռենկինգի, ակտիվների տարեկան աճ են ապահովել բոլոր 8 ընկերությունները, ընդ որում, մոտ կրկնակի աճ են ապահովել ՙՆաիրի Ինշուրանսը՚, ՙԻՆՈ Արմենիան՚ և ՙՍԻԼ Ինշուրանսը՚, իսկ ակտիվների եռամսյակային աճ է գրանցվել միայն 2 ընկերություններում` ՙՌԱՍԿՈ՚`2.9% և ՙՍԻԼ Ինշուրանս՚`1%:
Ակտիվների չափերով առաջատարների եռյակում են`ՙՌոսգոսստրախ Արմենիան՚`6.4 մլրդ.դրամ, ՙԻՆՈ Արմենիան՚`5.8 մլրդ.դրամ և ՙՆաիրի Ինշուրանսը՚` 3.2 մլրդ.դրամ: Վերջին տեղում է ՙՍԻԼ Ինշուրանսը՚`2.1 մլրդ.դրամ:
Ակտիվների կազմում ընթացիկ ակտիվների բաժինը կազմել է 91.2% կամ 26.3 մլրդ.դրամ, որոնց ծավալները տարեկան կտրվածքով աճել է 59.2%, իսկ 3-րդ եռամսյակում`1.4%: Ընթացիկ ակտիվների տարեկան աճ են գրանցել բոլոր 8 ապահովագրողները, իսկ եռամսյակային աճ`4 պահովագրողներ:
Ակտիվների կազմում, 2011 թվականի հոկտեմբերի 1-ի դրությամբ ընթացիկ ֆինանսական ներդրումների բաժինը կազմել է 67.2% կամ 19.3 մլրդ.դրամ: Տարեսկզբից այս ցուցանիշը աճել է 27.1%-ով, տարեկան կտրվածքով`ավելի քան 2 անգամ: Երրորդ եռամսյակում ապահովագրողների ընթացիկ ֆինանսական ներդրումները նվազել են 2.6%: Ընթացիկ ֆինանսական ներդրումների գծով առաջատարներն են` ՙԻՆՈ Արմենիան՚`4.1 մլրդ.դրամ ցուցանիշով, ՙՌոսգոսստրախ Արմենիան՚`3.8 մլրդ.դրամ և ՙՆաիրի Ինշուրանսը՚`2.3 մլրդ.դրամ ցուցանիշով: Իսկ նվազագույն ցուցանիշը գրանցել է ՙՍԻԼ Ինշուրանսը՚`1.2 մլրդ.դրամ:
Հայաստանի 8 ապահովագրական ընկերությունների կարճաժամկետ դեբիտորական պարտավորությունները 3-րդ եռամսյակի արդյունքներով կազմել են 4.1 մլրդ.դրամ: Տարեկան կտրվածքով այս ցուցանիշը նվազել է 6%, 3-րդ եռամսյակում աճելով 23.5%: Կարճաժամկետ դեբիտորական պարտավորությունների առավելագույն չափերը գրանցել է ՙՌոսգոսստրախ Արմենիան՚`934.5 մլն.դրամ, իսկ նվազագույն ցուցանիշը` ՙՍԻԼ Ինշուրանսը՚`90.5 մլն.դրամ:
Ակտիվների կազմում դրամական միջոցների բաժինը 2011 թվականի հոկտեմբերի 1-ի դրությամբ կազմել է 2.5% կամ 733 մլն.դրամ: Տարկան կտրվածքով այս ցուցանիշը կրճատվել է 65.5%, իոեկ 3-րդ եռամսյակում`33.4%: Այս ցուցանիշով առաջատարներն `ՙարանտ Լիմենսը՚`321 մլն.դրամ, իսկ նվազագույն ցուցանիշը գրանցլ է ՙԿասկադ Ինշուրանսը՚` 14.8 մլն.դրամ: