Երկուշաբթի, 15 Ապրիլի 2013 16:03
ՙՇեն Հոլդինգի՚ նախագահ. Անշարժ գույքի շուկայում առկա կոնյունկտուրան թելադրում է նոր գաղափարներ` ոչ թանկ ՙպատրաստի՚ բնակարաններ
ԱրմԻնֆո. Բնակելի անշարժ գույքի շուկայում առկա կոնյունկտուրան թելադրում է նոր գաղափարներ` ոչ թանկ ՙպատրաստի՚ բնակարաններ: Այդպիսի կարծիք է հայտնել «ԱրմԻնֆոե լրատվական գործակալության թղթակցին ՙՇեն Հոլդինգ՚ ընկերության նախագահ Սամվել Բեգլարյանը` մեկնաբանելով տևական լճացումը Հայաստանի շինարարության հատվածում: Նա պարզաբանել է, որ բնակելի անշարժ գույքի շուկան գերհագեցած է էլիտար նորակառույցներով, որոնք նախատեսված էին սփյուռքի հայրենակիցների համար. ՙՍակայն նման բնակարանների դարաշրջանն ավարտվել է, էլիտար նորակառույցներին անխուսափելիորեն կփոխարինեն ոչ թանկարժեք հարմարավետ բնակարաններ՚: Նման բնակարանների շինարարությունը, Ս.Բեգլարյանի համոզմամբ, հնարավոր է բնակարանային շինարարության ոլորտում առաջավոր տեխնոլոգիաների` նոու-հաուի կիրառման պայմանով:
ՙՇեն Հոլդինգի՚ նախագահը կարծում է, որ բնակելի անշարժ գույքի շուկայում անհավասարակշռությունը կարելի է կարգավորել երկրի քաղաքացիներին մատչելի բնակարաններով ապահովելուն նպատակաուղղված պետական ծրագրերի իրագործման ճանապարհով: Ընդ որում, պետական աջակցության միջոցները, ինչպես նշել է հոլդինգի ղեկավարը, կարող են լինել տարբեր. ՙԴա կարող է լինել պետության կողմից հողամասերի անհատույց տրամադրում տների կառուցման համար, երկարաժամկետ հիփոթեքային վարկավորման մեխանիզմների ներդրում, մասնավորապես, 20 տարի ժամկետով` ցածր տոկոսադրույքներով՚:
Ինչպես նկատել է հոլդինգի ղեկավարը, բնակարանային շինարարության արժեքը կախված է ոչ միայն շինանյութերի գներից, այլև` կառուցվող շենքերի սեյսմակայունության աստիճանից. ՙՍեյսմակայուն կառույցը միշտ չէ, որ պետք է թանկ և վիթխարի լինի` տուֆից և հիմնակմախքից: Ժամանակակից շինարարությունում օգտագործվում են այնպիսի տեխնոլոգիաներ, որոնք փոխում են գնագոյացման տրամաբանությունը` թույլ տալով կառուցել թեթև և ոչ թանկարժեք շինություններ՚: Հոլդինգի նախագահը նման տեխնոլոգիաների շարքին է դասում փքած պերլիտի բլոկերը: ՙՀուսով եմ, ինչ-որ ժամանակ հայ ճարտարապետները նույնպես պատշաճ ուշադրության կարժանացնեն այդ շինանյութին՚:
Ս.Բեգլարյանի կանխատեսմամբ, սոցիալական կողմնորոշման բնակարանների շինարարության զարգացումը կխթանի պահանջարկը որոշակի գնային հատվածի շինանյութերի նկատմամբ, որտեղ հայրենական արտադրողները կարող են ավելացնել սեփական արտադրության և ներմուծման փոխարինման ծավալները: Դա թույլ կտա նաև խուսափել շինանյութերի արժեքի վրա արժութային տատանումների բացասական ներգործությունից: ՙԱմեն դեպքում մեզ հարկավոր է գտնել շինարարության ինքնարժեքի կրճատման արդյունավետ եղանակ: Եվ շուկայում հաջողությամբ կաշխատեն հենց այն ընկերությունները, որոնք ձեռքբերումներ կունենան բոլոր իմաստներով խնայողական և արդյունավետ շինարարության գործում՚, - ամփոփել է ՙՇեն Հոլդինգի՚ նախագահը:
ՙՇեն Հոլդինգի՚ մասնագետների հաշվարկներով, բազմաբնակարան շենքում ՙպատրաստի՚ (վերանորոգված, խոհանոցի կահույքով) բնակարանի 1 քմ կարժենա $1000. ՙԴա յուրօրինակ աննախադեպ առաջարկ է՚: Ինչպես հավաստիացրել է հոլդինգի ղեկավարը, նման մատչելի առաջարկներ անշարժ գույքի հայրենական շուկայում չկան:
Ըստ ՀՀ Ազգային վիճակագրական ծառայության տվյալների, 2009 թվականին շինարարության ընդհանուր ծավալների 36,4%-ով կրճատման պայմաններում, բնակելի անշարժ գույքի շինարարությունը Հայաստանում նվազեց 20%-ով: 2012 թվականին բնակելի անշարժ գույքի հատվածը կրճատվեց ավելի քան 50%- ով: Ընդ որում, անցյալ տարի շինանյութերի արտադրությունը կրճատվեց 7,6%- ով` հասնելով նախորդ տարվա ցուցանիշին: Մասնավորապես, ցեմենտի և գաջի արտադրությունը 2008-2012 թվականներին անշեղորեն կրճատվեց. ցեմենտի արտադրությունը769,8 հազար տոննայից նվազեց մինչև 437,6 հազար տոննա, իսկ գաջի արտադրությունը` 46 տոննայից մինչև 30.4 տոննա:
Ցեմենտի միջին գինը (50 կգ պարկ) Երևանում աճել է 14,5% (մինչև 2,825 դրամ), իսկ գաջի գինը` հակառակը, նվազել է 2,1% (մինչև 2160 դրամ): Միևնույն ժամանակ, հիմնականում ներկրվող ներկանյութերի միջին գինը կտրուկ աճ է գրանցել: Այսպես, յուղաներկերի գներն աճել են գրեթե 80%, իսկ ջրաէմուլսիոն ներկի և մանրահատակի լաքի գները, համապատասխանաբար` 44,5% (մինչև 1.818 դրամ) և 40,9% (մինչև 2,090 դրամ):
Հիշեցնենք, որ ՙՇեն-Կոնցեռն՚ ՓԲԸ հիմնադրվել է 1995 թվականին: ՙՇեն-Կոնցեռնը՚ վերակազմավորվել է ՙՇեն Հոլդինգի՚, որի կազմում են ՙՇեն Կոնցեռն՚ ՓԲԸ, Huntsman Building Products-ը և ՙՇեն րուպ՚ ՓԲԸ: Ներկա պահին հոլդինգն ազգային բրենդի ձևավորման և կորպորատիվ կառավարման առաջավոր ստանդարտների ներդրման ծրագրերի գործնական իրագործման փուլում է: Ընկերությունում կորպորատիվ կառավարման փորձի բարելավման նախագծի մշակմամբ և ներդրմամբ զբաղվում է Միջազգային ֆինանսական կորպորացիան (IFC)` ՙԿորպորատիվ կառավարման կենտրոնի՚ հետ համատեղ:
Ընկերությունը զբաղվում է շինանյութերի արտադրությամբ և իրացմամբ, ներառյալ ներկերի, շինարարական չոր շաղախների, սալիկի սոսինձների, կապակցող նյութերի, բետոնե բլոկների, մայթի սալիկների և եզրաքարերի արտադրությամբ: ՙՇեն Հոլդինգն աշխույժ արտադրական գործունեություն է ծավալել նաև Վրաստանում: Այժմ հոլդինգն ակտիվորեն աշխատում է սեփական հումքային բազայի ձևավորման ուղղությամբ` տնօրինելով տարածաշրջանում խոշորագույն գիպսի հանքը: Ներկայումս ՙՇեն Հոլդինգ՚ ՓԲԸ-ում աշխատում է շուրջ 500 աշխատակից:
Փորձագետ. Երբ վստահություն չկա մասնավոր և պետական հատվածների միջև, ցավոք, ճիշտ լուծումների մասին խոսելու հարկ էլ չկա
Սարգիս Խաչատրյան. Մեր գործունեությունն ուղղված է լինելու հաճախորդների փորձառության բարելավմանը
Բիզնեսի թվայնացման հիմնախնդիրը, ո՞ր հանգրվանում է Հայաստանը
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ
"Նաիրի Ինշուրանս" ապահովագրական ընկերությունը հանդես է եկել "ԷՖԵՍ" ԱԸ անհիմն ինքնագովազդի դեմ
Գևորգ Մանթաշյան. Բարձր տեխնոլոգիական արդյունաբերության նախարարությունը հետևողական աշխատանք է տանում Հայաստանում ստարտափների կայացման ուղղությամբ
Bank of Georgia-ն հայտարարել է 303.6 մլն դոլարով "Ամերիաբանկի" ձեռք բերման շուրջ նախնական համաձայնության մասին