Ուրբաթ, 13 Հունիսի 2014 17:35
Կոնվերս Բանկ. Woman's Card քարտապաններին սպասվում են ամառային հաճելի անակնկալներ
ԱրմԻնֆո. Կոնվերս Բանկը ներկայացնում է նոր արտոնություններ` հատուկ կանանց համար: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, մինչև հոկտեմբերի 30-ը բանկում կգործեն մի շարք ակցիաներ՝ Woman’s Card հին և նոր քարտապանների համար:
Աղբյուրի համաձայն, մինչև հոկտեմբերի 30-ը ձեռք բերելով MasterCard Standard Woman’s Card-ը և բանկ ներկայացնելով փաստաթղթերի նվազագույն փաթեթը առավել արագ և հեշտ կարելի է ստանալ մինչև 1 մլն ՀՀ դրամ վարկային սահմանաչափ: ՀՀ դրամով Կոնվերս Բանկի աշխատավարձային նախագծերի ներքո բացված քարտային հաշիվների համար տարեկան տոկոսադրույքը կկազմի ընդամենը 20%, իսկ այլ հաճախորդների համար՝ 22%:
Կոնվերս Բանկը հոգ է տարել նաև է իր քարտապանների հանգստի մասին: Ակցիայի ժամանակահատվածում Woman’s Card ձեռք բերած հաճախորդները կստանան անվճար ճամփորդական ապահովագրություն 12 ամսվա ընթացքում 15 օր արտերկրում գտնվելու համար՝ ներառյալ ուղեբեռի ապահովագրությունը: Woman’s Card բոլոր քարտապանները կարող են նաև օգտվել մի շարք զեղչերից տուրիստական գործակալություններում:
Եվս մեկ մեծ անակնկալ Կոնվերս Բանկից և Ինգո Արմենիա ապահովագրական ընկերությունից: Woman’s Card քարտապանները "ԿԱՍԿՈ կանանց համար" ծառայության դիմաց կվճարեն միայն 70.000 դրամ՝ 77.500-ի փոխարեն:
Woman’s Card արձակուրդային ակցիային ավելի մանրամասն կարելի է ծանոթանալ Կոնվերս Բանկի կայքում:
Ըստ ԱրմԻնֆո գործակալության` «Հայաստանի բանկերը քարտային բիզնեսում» վերլուծական տեղեկագրի, Կոնվերս բանկը հինգերորդ տեղում է ակտիվ քարտերի ընդհանուր թվով (մոտ 130 հազար քարտ, ապրիլի 1-ին), ինչպես նաև երկրորդ տեղում է ակտիվ MasterCard քարտերով (ավելի քան 35 հազար քարտ, ապրիլի 1-ին): Ակտիվ քարտերի ը նդհանուր թվում աշխատավարձային քարտերը կազմել են ավելի քան 34%: Տարվա արդյունքներով բանկը թողարկել է շուրջ 27 հազար քարտ, որից ավելի քան հինգ հազարը եղել է MasterCard: Պլաստիկ տրանսակցիաներով Կոնվերս Բանկն զբաղեցնում է 6-րդ տեղը շուկայում, ապահովելով տարեկան 25.2% աճ, իսկ երեք տարվա աճը կազմել է ավելի քան 2 անգամ: 2014-ի ապրիլի 1-ին բանկն ունեցել է 84 բանկոմատ (6-րդ տեղը շուկայում) և 374 սեփական POS-տերմինալ (5-րդ տեղ): Վարկային քարտերի մնացորդով (ներառյալ օվերդրաֆտները) բանկը գտնվում է երկրորդ հորիզոնականում: Տեղական ArCa քարտերից բացի Կոնվերս Բանկը թողարկում և սպասարկում է նաև միջազգային Visa և MasterCard համակարգերի քարտերը:
Նշենք, որ Կոնվերս բանկը հիմնադրվել է 1993 թվականին: Ընկերության բաժնետերերն են «Advanced Global Investments» ընկերությունը (95%) և Մայր Աթոռ Սուրբ Էջմիածինը` (5%): Բանկն ունի 35 մասնաճյուղորոնց մեծ մասը գտնվում է մարզերում:
Վարդան Արամյան. այսօր մեզ համար ամենավտանգավորը գերհավակնոտ և անիրատեսական նպատակների սահմանումն է
Նախկին վարչապետ. Հայաստանը չի կարող առանց ատոմային էներգետիկայի
Իդրամը՝ ենթակառուցվածք ֆինանսական կազմակերպությունների համար․ Իդրամը բոլորի համար է
Կառավարությունը հաստատել է Հայաստանի 2024-2040թթ. ժողովրդագրական ռազմավարությունը
«Հայաէրոնավիգացիա» ՓԲԸ-ն նոր գլխավոր տնօրեն ունի
Փորձագետ. Առաջիկա 2-3 տարում Հայաստանում անշարժ գույքի գները կբարձրանան
Invia Investments հայաստանյան բրոքերը ITS-ում սակարկության հասանելիություն կտրամադրի