Չորեքշաբթի, 23 Սեպտեմբերի 2015 19:08

Արմինֆո. ՎՏԲ-Հայաստան Բանկը MasterCard միջազգային վճարային համակարգի հետ համատեղ անցկացնում է հերթական արշավըէ «Գնում ենք Ռիո», մրցանակների խաղարկությամբ բոլոր նրանց համար, ովքեր ակտիվ օգտվում են բանկային քարտերից: 

Ինչպես ԱրմԻնֆո գործակալությանը տեղեկացվել է բանկի մամուլի ծառայությունից, ակցիան մեկնարկել է սեպտեմբերի 20-ին և կավարտվի դեկտեմբերի 31-ին: Ակցիային կարող են մասնակցել ՎՏԲ-Հայաստան Բանկի Cirrus/Maestro® և MasterCard® քարտատերերը, ինչպես նաև նրանք, ովքեր ակցիայի ընթացքում ձեռք կբերեն նշված քարտերը: 2015 թ. սեպտեմբերի 20-ից մինչև դեկտեմբերի 31-ը ընկած ժամանակահատվածում  Հայաստանում և արտերկրում կատարած գնումների դիմաց (ներառյալ Internet-գնումները) քարտերով ընդհանուր 300 000 ՀՀ դրամ և ավելի գումարի չափով վճարում կատարողները եզակի հնարավորություն կստանան շահելու հրաշալի մրցանակներից մեկը՝ սմարթ-ժամացույց (խաղարկվում է 5  կոմպլեկտ, յուրաքանչյուրի արժեքը՝ 300 000 դրամից ավելի) կամ գլխավոր մրցանակը՝ ուղեգիր 2 անձի համար դեպի Ռիո դե Ժանեյրո՝ 2016 թ. կայանալիք Կարնավալին: Կարնավալն անցկացվում է տարին մեկ անգամ՝ փետրվար ամսին և տևում է 4 օր ու 4 գիշեր:

Մրցանակների խաղարկությունը կկայանա 2016 թ. հունվարին հեռուստատեսության ուղիղ եթերում: Հաճախորդները հնարավորություն կունենան հետևել խաղարկությանը և անմիջապես իմանալ հաղթողների անունները:

«MasterCard-ը գլոբալ վճարային համակարգի առաջատարներից է:  Մենք արդյունավետ համագործակցում ենք, և առաջին անգամը չէ, որ համատեղ խթանող արշավներ ենք անցկացնում, ստանալով դրական արձագանք մեր հաճախորդներից: MasterCard համակարգի միջոցով անկանխիկ վճարումներ կատարելը ոչ միայն անվտանգ և հարմար է: ՎՏԲ-Հայաստան Բանկի MasterCard քարտերով վճարումներ կատարելու շնորհիվ մեր հաճախորդներին հնարավորություն կընձեռնվի  շահել թանկարժեք մրցանակներ և անցկացնել անմոռանալի օրեր Ռիո դե Ժանեյրոյում»,-նշել է ՎՏԲ-Հայաստան Բանկի Գլխավոր տնօրեն-Տնօրինության նախագահ Յու. Գուսևը:

«Մեր օրերին մարդիկ նախընտրում են գնումներ կատարել երբ ու ինչպես իրենց հարմար է: Գնահատելով սեփական ժամանակը՝ նրանք ավելի հաճախ են ընտրում վճարումների այնպիսի հնարավորություններ, որոնք կապված են բանկային քարտերի հետ՝ այսինքն, թե՛ հասարակ խանութում, թե՛ համացանցում»,-նշել է Հայաստանում, Բելառուսում և Ղազախստանում MasterCard ընկերության կառավարիչ տնօրեն Ալեքսանդր Դունաևը:

Ըստ ԱրմԻնֆո գործակալության` «Հայաստանի բանկերը քարտային բիզնեսում» վերլուծական տեղեկագրի, ՎՏԲ-Հայաստան Բանկն ակտիվ քարտերի թվով հանդիսանում է շուկայի առաջատարը, որոնք 2015 թվականի ապրիլի 1-ի դրությամբ կազմում են ավելի քան 401 հազար, տարեկան աճը` 24%, որից գրեթե 385 հազարը Visa քարտեր են (այդ թվում`ավելի քան 88 հազար կենսաթոշակային քարտեր, որոնցով նույնպես առաջատարն է): Մոտ 2 տարի առաջ դառնալով MasterCard համակարգի անդամ, մինչև 2015 թվականի ապրիլը հասրեց թողարկել ավելի քան 16 հազար քարտ, տեղ գրավելով առաջատարների տասնյակում: Պլաստիկ գործարքների գծով նույնպես բանկն առաջինն է շուկայում - ավելի քան 186 մլրդ դրամ (2014 թ), տարեկան աճը` 33%: 2015 թվականի ապրիլի 1-ին բանկն ունեցել է 298 սեփական POS-տերմինալ և 157 բանկոմատ: Մինչեւ 2013 թվականը ՎՏԲ-Հայաստան Բանկը թողարկում և սպասարկում էր միայն միջազգային Visa քարտերը, որից հետո, նույն տարվա սեպտեմբերին դառնալով MasterCard համակարգի լիիրավ անդամ, ձեռնամուխ եղավ Cirrus / Maestro, MasterCard Standard և MasterCard Gold քարտերի թողարկմանը: Բացի այդ, բանկը սպասարկում է նաև տեղական ArCa քարտերը: Բանկն ունի իր սեփական պրոցեսինգը: