Արմինֆո. Անելիք Բանկի MasterCard և Maestro քարտատեսակի այն քարտապանները, որոնք սույն թվականի հոկտեմբերի 15-ից դեկտեմբերի 15-ը բացի առցանց գործարքներից, կկատարեն 30 և ավելի անկանխիկ գործարք, ընդհանուր հաշվով 300 հազար ՀՀ դրամ և ավելի գումարի չափով, հնարավորություն կստանան շահելու խաղարկվող 180 պլանշետներից մեկը: Այս մասին ԱրմԻնֆո գործակալությանը տեղեկացվել է Բանկի մամուլի ծառայությունից:
Աղբյուրի համաձայն, ակցիան, որին միացել է Անելիք Բանկը, համատեղ նախաձեռնել են «Արմենիան Քարդե ՓԲԸ-ն և MasterCard ընկերությունը` նպատակ ունենալով խթանել անկանխիկ գործարքները, ակտիվացնել MasterCard քարտերի կիրառումը և ներգրավել նոր քարտապաններ՝ նպաստելով MasterCard քարտերի առավել գրավիչ վճարամիջոց դառնալուն:
«Անկանխիկ վճարումների խթանմանն ուղղված այս ծրագրին, որի կարգախոսն է` «Գնումները վերածեք նվերներիե, մենք միացել ենք ուրախությամբ: Այս անգամ, Անելիք Բանկն, իր գործընկերներների հետ համատեղ, հաճելի անականկալ է պատրաստել իր՝ այս անգամ քարտապան, հաճախորդների համար: Վստահ եմ, որ առաջիկայում ևս մեր հաճախորդներին հնարավորություն կունենանք առաջարկել հարմարավետ բանկային գործիքներ, միաժամանակ նրանց հնարավորություն տալով ստանալ օգտակար և հաճելի նվերներե,- նշել է «Անելիք Բանկե ՓԲԸ Հասարակության հետ կապերի պատասխանատու Աստղիկ Մարտիրոսյանը:
Նշենք, որ 2009 թվականի փետրվարից «Անելիք Բանկիե բաժնետեր է դարձել լիբանանյան CreditBank S.A.L.` կապիտալում 51% բաժնեմասով: 2013 թվականի 4-րդ եռամսյակում CreditBank S.A.L. դարձել է «Անելիք Բանկիե միանձնյա սեփականատեր` իր բաժնեմասն ավելացնելով 89,95%-ից մինչև 100%: Մոսկովյան «ԱնելիքՌուե ԴԲ-ը 2012 թվականի դեկտեմբերին օտարվել էր «Անելիք Բանկիցե` հետագայում սեփականության իրավունքը փոխանցելով լիբանանյան Credit Bank S.A.L.-ին:
Ըստ ԱրմԻնֆո գործակալության` «Հայաստանի բանկերը քարտային բիզնեսումե վերլուծական տեղեկագրի, Անելիք Բանկի ակտիվ քարտերի քանակը 2015 թվականի ապրիլի 1-ին կազմել է ավելի քան 47 հազար, որից ավելի քան 20 հազարը կազմել են Visa քարտերը, ավելի քան 19 հազարը`ArCa, իսկ մնացած մոտ 7 հազարը` MasterCard քարտերը: Պլաստիկ գործարքների ծավալը 2014 թ կազմել է շուրջ 32 մլրդ դրամ (տարեկան աճը` 60%), որից ավելի քան 89% կազմել են բանկոմատային գործարքները (բացարձակ արժեքի տարեկան աճը` մոտ 2 անգամ): Անելիք Բանկն առաջինն էր Հայաստանում, որ միաժամանակ սկսեց աշխատել երկու միջազգային քարտերով` Visa և MasterCard, միևնույն ժամանակ ակտիվորեն թողարկելով և սպասարկելով ArCa տեղական քարտերը: