Արմինֆո. ԱԿԲԱ-ԿՐԵԴԻՏ ԱՐԻԿՈԼ Բանկը և American Express ընկերությունը համատեղ, Բանկի American Express քարտերի քարտատերերի համար իրականացնում են հերթական պարգևատրումների ծրագիրը:
Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, ծրագիրը մեկնարկել է հոկտեմբերի 15-ին և կավարտվի 2016 թվականի հունվարի 15-ին:
Աղբյուրի համաձայն, մինչև 2016 թվականի հունվարի 15-ը ներառյալ American Express Gold, American Express Blue և American Express Cashback քարտերով կատարելով առնվազն 300,000 ՀՀ դրամի վճարումներ ՀՀ-ում և արտերկրում՝ քարտատերերը հնարավորություն կստանան ընտրել իրենց պարգևատրումը Բանկի կողմից ներկայացվող կատալոգից:
Պարգևատրումների կատալոգին և ծրագրի պայմաններին կարող եք ծանոթանալ http://www.americanexpress.am/userfiles/files/305 հղումով:
Ծրագրին մասնակցել ցանկացողները, որոնք դեռ չունեն Հայստանում ԱԿԲԱ-ԿՐԵԴԻՏ ԱԳՐԻԿՈԼ Բանկի կողմից թողարկվող American Express քարտ, կարող են այն ձեռք բերել American Express քարտը և նշված ժամանակահատվածում օգտվել առաջարկից:
Հարցերի դեպքում կարելի է զանգահարել Բանկի American Express քարտերի շուրջօրյա սպասարկման կենտրոն (010) 31 99 99 հեռախոսահամարով:
Ըստ ԱրմԻՆֆո գործակալության` «Հայաստանի բանկերը քարտային բիզնեսումե վերլուծական տեղեկագրի, ակտիվ քարտերիր թվով ԱԿԲԱ-ԿՐԵԴԻՏ ԱԳՐԻԿՈԼ Բանկը գտնվում է Հայաստանի առաջատար բանկերի եռյակում, 2015 թվականի ապրիլի 1-ի դրութւյամբ ունենալով մոտ 177 հազար ակտիվ քարտ, տարեկան աճը` 13%, չորսամյա աճը`մոտ 2 անգամ: Դրանցից 58% - ը կազմում են տեղական ArCa քարտերը, 32% - ը Visa և 10% - ը` MasterCard քարտերը: Պլաստիկ գործարքների ծավալը 2014 թվականին կազմել է ավելի քան 166 մլրդ դրամ (տարեկան աճը` 20%, իսկ 4 տարվա աճը` մոտ 2 անգամ), այս ցուցանիշով նույնպես ԱԿԲԱ-ԿՐԵԴԻՏ ԱԳՐԻԿՈԼ Բանկը գտնվում է առաջատարների եռյակում: Դրա կառուցվածքում բանկոմատներով կատարված գործարքներտ կազմել են մոտ 78%: Իր սեփական POS տերմինալների թվով ԱԿԲԱ-ԿՐԵԴԻՏ ԱԳՐԻԿՈԼ Բանկը հանդիսանում է շուկայի առաջատարը (1152 հատ), ամրապնդելով առաջատարի իր դիրքերը նաև բանկոմատների թվով (207): ԱԿԲԱ-ԿՐԵԴԻՏ ԱԳՐԻԿՈԼ Բանկը և American Express վճարային համակարգը, 2014 թվականի հոկտեմբերի սկզբին երկարաձգեցին փոխադարձ համագործակցության պայմանագիրը, որն սկիզբ էր առել 2010 թվականի նոյեմբերից, ինչի շնորհիվ պահպանվեց նաև Հայաստանում American Express կորպորացիայի բացառիկ գործակալի կարգավիճակը, շարունակելով թողարկել AmEx քարտերը և դրանց սպասարկման ենթակառուցվածքների ընդլայնման աշխատանքները: Ներկայումս, Բանկը թողարկում է մոտ երեք տեսակի AmEx քարտեր` American Express Gold, American Express Blue և American Express Cashback, որոնց տվյալները չեն հրապարակվում, ելնելով գործընկերների միջև գաղտնի համաձայնությունից:
Նշենք, որ «ԱԿԲԱ-ԿՐԵԴԻՏ ԱԳՐԻԿՈԼ Բանկըե Հայաստանում գործում է 1995 թվականից: 2006 թվականի սեպտեմբերից բանկի մեծամասնական բաժնետերն է եվրոպական խոշորագույն Credit Agricole բանկային խումբը: