Արմինֆո. Ռուսաստանը հետաքրքրված է հայկական գյուղատնտեսական ապրանքների ներմուծման մեջ, բայց տվյալ պահին, հզորությունների սակավության պատճառով հայկական կողմն ի վիճակի չէ բավարարել ռուսաստանյան շուկայի աճող պահանջարկը: Այս մասին նոյեմբերի 24-27-ը Օմսկի Տեղեկատվական տեխնոլոգիաների տարածաշրջանային պարկի հարթակում տեղի ունեցած`Գործարարների նոյեմբերյան երրորդ ֆորումում, ԱրմԻնֆո գործակալության թղթակցի հետ զրույցում, հայտարարել է Երևանի Առևտրա-արդյունաբերական պալատի գործադիր տնօրեն Կարեն Մարտիրոսյանը:
Նրա խոսքով, ֆորումում Օմսկի գործարարներին առաջարկվեց դեպի Ղազախստանի, Հայաստանի, Բելառուսի, Ղրղզստանի, Վրաստանի, Իրանի և Չինսատանի շուկաներ ապրանքներ արտահանելու և դրանք առաջխաղացնելու յուրահատկոթյունները: «Ռուսաստանյան ընկերություններին Հայաստանը ներկայացվեց որպես համատեղ բիզնեսի և ներդրումների անվտանգ և բարենպաստ երկիր»,-պատմել է Մարտիրոսյանը: Նրա խոսքով, օմսկցի գործարարների հետ համատեղ բիզնեսի իրականացման հիմնական պրոբլեմը լոգիստիկան է: Միաժամանակ, ինչես նշել է Կ.Մարտիրոսյանը, ռուսաստանյան շուկան հայկական գյուղատնտեսական ապրանքների կարիքն ունի, մասնավորապես, մրգերի ու բանջարեղենի: Բայց ներկայումս Հայաստանն ի վիճակի չէ բավարարել շուկայի աճող պահանջարկը` հզորությունների սակավության պատճառով:
Նշենք, որ Համաշխարհային ձեռներեցության շաբաթի շրջանակներում Փոքր ձեռնարկատիրության աջակցման և զարգացման Օմսկի տարածաշրջանային հիմնադրամի, Օմսկի մարզի էկոնոմիկայի նախարարության աջակցությամբ, նոյեմբերի 26-27-ը տեղի ունեցավ գործարարների նոյեմբերյան ֆորումը: Գործարարները արտաքին առևտրի ոլորտի գործարքների ռուսաստանյան և արտասահմանյան առաջակարգ փորձագետների հետ 2 օր քննարկում էին արտաքին տնտեսական գործունեության արդի հարցերը, որին մասնակցում էին նաև Ռուսաստանի պետական կառույցների, Եվրասիական տնտեսական միության և Առևտրա-արդյունաբերական պալատների ներկայացուցիչներ:
RUB | 4.22 | 0.04 |
USD | 388.60 | -1.44 |
EUR | 416.73 | 1.10 |
GBP | 485.98 | 4.24 |
CAD | 284.02 | -0.58 |
JPY | 24.99 | -0.21 |
CNY | 53.63 | -0.19 |
CHF | 425.54 | -2.14 |