Արմինֆո. Անցյալ տարի ԵԱՏՄ-ին (ՌԴ, Բելառուս, Ղազախստան, Ղրղըզստան) անդամակացած Հայաստանը կմիանա ֆինանսական ոլորտի տեղեկատվության փոխանակման համաձայնագրին` կապիտալի ազատ տեղաշարժի ապահովման համար ֆինանսական շուկաներում պայմաններ ստեղծելու նպատակով:
Ինչպես հաղորդում է ՏԱՍՍ-ը, Ռուսաստանի վարչապետ Դմիտրի Մեդվեդևն առաջին փոխվարչապետ Իգոր Շուվալովին հանձնարարել է ՌԴ կառավարության անունից արձնագրություն ստորագրել այդ համաձայնագրին Հայաստանի միանալու վերաբերյալ: ՌԴ կառավարության համապատասխան կարգադրությունը հրապարակված է իրավական տեղեկատվության պաշտոնական կայքում: ԵԱՏՄ մյուս մասնակիցներն այդ համաձայնագիրն ստորագրել են 2014 թվականի դեկտեմբերի 23-ին:
Հիշեցնենք, որ 2015 թվականի օգոստոսի 18-ի նիստում Հայաստանի կառավարությունը համաձայնություն է տվել «Հայաստանի Հանրապետության՝ «Կապիտալի ազատ տեղաշարժի ապահովման համար ֆինանսական շուկաներում պայմանների ստեղծման նպատակով ֆինանսական ոլորտում տեղեկությունների, այդ թվում՝ գաղտնի, փոխանակման մասինե 2014թ. դեկտեմբերի 23-ի համաձայնագրին միանալու մասինե արձանագրության կնքման առաջարկությանը: Փաստաթղթի նպատակն է համակարգել և ընդլայնել ԵԱՏՄ անդամ երկրների ֆինանսական շուկան վերահսկող մարմինների միջև տեղեկատվական փոխանակման գործընթացը: Համաձայնագիրը սահմանում է այն տեղեկատվության շրջանակը, որը պետք է հրապարակվի վերահսկող մարմինների ինտերնետային կայքերում և այն, որը պետք է տրամադրվի հարցում կատարող ԵԱՏՄ անդամ երկրի վերահսկող մարմնին՝ որոշակի պայմանների բավարարման դեպքում:
Նշենք, որ անդամ պետությունների օրենսդրությանը համապատասխան, լիազոր մարմինները կիրականացնեն փոխադարձ խորհրդատվություններ և կարծիքների փոխանակում օրենսդրության և նորմատիվային իրավական ակտերի նախագծերի շուրջ: Բացի այդ, համաձայնագիրը նպատակաուղղված է ֆինանսական ծառայությունների սպառողների և ներդրողների իրավունքներ ու շահերի պաշտպանության համակարգերի զարգացմանը` ներառյալ ավանդների, ապահոգրական վճարումների երաշխավորման հարցերը: Փաստաթուղթը նաև ներառում է գաղտնի տեղեկատվության տրամադրման վերաբերյալ հարցման բովանդակությունը:
Հարցումը կատարվում է դրա ստացման պահից 30 օրվա ընթացքում` հարցումն ուղարկած մարմնի պետության օրենսդրությամբ սահմանված կարգով: Հարցումը ժամանակին կատարելուն խոչընդոտող հանգամանքներ ծագելու դեպքում հարցումն ստացած մարմինը 15 օրվա ընթացքում այդ մասին իրազեկում է հարցումն ուղարկած մարմնին` նշելով ուշացման պատճառները: Հարցման պատասխանը, այդ թվում հարցումը կատարելուց հրաժարվելու մասին, ուղարկվում է գրավոր ձևով: