Արմինֆո. Հայաստանի սպառողական շուկայում 2016 թվականի հունվարին արձանագրվել 2.2% գնաճ, ինչը պայմանավորված է պարենային ապրանքների 4.5% թանկացումով (ներառյալ ոգելից խմիչքը և ծխախոտը), իսկ առանց ոգելից խմիչքի և ծխախոտի`5%: Ինչպես ԱրմԻնֆո գործակալությանը հաղորդվել է ՀՀ Ազգային վիճակագրական ծառայությունից, ոչ պարենային ապրանքների գները նվազել են 0,6%, իսկ ծառայությունների սակագները բարձրացել են 0,4%: Հանրապետության ուսումնասիրվող բոլոր քաղաքներում սպառողական գները հունվարին աճել են 2.0-2.9%, իսկ միայն Երևանում` 2%:
Ըստ վիճակագրական տվյալների, 2016 թվականի հունվարին, նախորդ տարվա նույն ժամանակահատվածի համեմատ, սպառողական գները նվազել են 0.4%, մասնավորապես, պարենային ապրանքներն (ներառյալ ոգելից խմիչքը և ծխախոտը) էժանացել են 3.6%, ոչ պարենային ապրանքները թանկացել են 1.7%, իսկ ծառայությունների սակագներն աճել են 3,3%:
Հունվարի 5% գնաճը պարենային ապրանքների շուկայում հիմնականում պայմանավորված էր բանջարեղենի և կարտոֆիլի 31.5% թանկացումով (տարեկան աճը` 9,2%), մրգերի` 8.5% թանկացումով (տարեկան անկումը` 19,9%), և ձվի` 8.3% թանկացումով (տարեկան անկումը`16,9%): 2016 թվականի հունվարին մրգերը, բանջարեղենը և կարտոֆիլն ընդհանուր հաշվով թանկացել են 22.9%, իսկ քանի դրանց մասնաբաժինը սպառողական զամբյուղում կազմել է 8,99%, ապա սպառողական գների վրա դրանց դեպի վեր ազդեցությունը գնահատվել է 2 տոկոսային կետով:
Բանջարեղենի խմբում հունվարին զգալիորեն թանկացել են` կանաչ սոխը - 1.9 անգամ, կանաչին - 1.8 անգամ, կանաչ պղպեղը - 1,7 անգամ, լոլիկը - 48,3%, սմբուկը - 48.2%, բողկը - 42,5%, գազարը - 28.4%, վարունգը - 27.6%, կաղամբը - 19.7%, կարտոֆիլը - 5.3%, սոխը, սունկը և բազուկը` 2-6%, իսկ սխտորն էժանացել է 3.2%: Հանրապետության ուսումնասիրվո բոլոր քաղաքներում բանջարեղեբը հունվարին թանկացել է 29,2-44,2%, իսկ միայն մայրաքաղաքում`30.6%:
Մրգերից հունվարին զգալի թանկացել են` արգայախնձորը - 44.1%, տանձը - 19.7%, մանդարինը - 18.7%, խաղողը - 17,3%, կիտրոնը - 17%, խնձորը - 15, 3%, նուռը - 13% և բանանը - 10.3%: Զուգահեռաբար էժանացել են` նարինջը - 9,5%, ընկույզը - 2.3%, չիրը - 1.5%: Ուսումնասիրված բոլոր քաղաքներում մրգի գները հունվարին աճել են 6,7-17%, իսկ միայն մայրաքաղաքում`6.7%:
Ձվի միջին հանրապետական գինը 2016-ի հունվարին, 2015-ի նույն ամսվա համեմատ, նվազել է 16.9%, իսկ միայն հոընվարին աճել է 8.3%: Ուսումնասիրված բոլոր քաղաքներում հունվարին ձուն թանկացել է 0,5-12,4%, իսկ միայն մայրաքաղաքում 8.3%:
Կենդանական և բուսական ծագումով ճարպերը 2016-ի հունվարին, 2015-ի հունվարի համեմատ էժանացել են 8.7%, իսկ միայն հունվարին թանկացել 0,6%, հիմնականում կարագի գնի 1.4% աճի հետևանքով: Սուրճը, կակաոն, կաթնամթերքը, շաքարավազը հունվարին թանկացել են 0,1-0,2%:
Միսը 2016-ի հունվարին, 2015-ի հունվարի համեմատ էժանացել է 5.5%, իսկ միայն հունվարին` 0,1%: Ավելին, էժանացումը վերաբերվել է խոզի մսին, որը հունվարին էժանացել է 2.7%, ինչպես նաև հավի բդին` 1.1%, ապխտած երշիկին`0.7%, ոչխարի մսին`0,6%, թռչնի մսին`0,6%, աղացած մսին`0,4%, շոգեխաշած տավարի մսին` 0,3%: Միևնույն ժամանակ թանկացել են` տավարի ֆիլեն - 0,4%, բաստուրման - 0.5%, տավարի միսը - 0,6%, պելմենները- 0,6%, ապխտած երշիկը - 0,7%, խաշը - 2.1%: Մայրաքաղաքում մսամթերքի գինը հունվարին ընկել է 0,4%:
Գների մի փոքր անկում է արձանագրվել ձկնեղենի, հրուշակեղենի և ոչ ոգելից խմիչքների գծով`0,3%, ինչպես նաև ալկոհոլի և ծխախոտի գծով`0.1%:
Ոչ պարենային ապրանքների խմբում գները հունվարին նվազել են 0.6%, ինչը հիմնականում պայմանավորված է եղել հագուստի և գործվածքեզենի`3,5%, կոշկեղենի` 2.7%, ոսկերչական իրերի`1.5%, անձնական իրերի`1% կենցաղային էլեկտրտեխնիկայի` 0,6%, լվացող միջոցների`0.4%, կահույքի` 0.1% էժանացումներով: Միևնույն ժամանակ թանկացել են` շինանյութը -0,1%, գրենական ապրանքները - 0,1%, գորգերը - 0.4%, դեղամիջոցները - 0.5%, խոհանոցային պարագաները - 0,7%, տեքստիլը - 0.9%, կոսմետիկան - 2.2%, արվեստի գործերը - 2,4%, իսկ վառելիքի և այգեգործական պարագաների գները մնացել են անփոփոխ: Միայն հունվարին գինը բենզինի և դիզելային վառելիքի նվազել են 4.8% և 6%, համապատասխանաբար, տարեկան անկման գները 15,1% և 16,3%:
Ծառայությունների սակագների աճը հունվարին (0.4%) հիմնականում պայմանավորված էր բժշկական ծառայությունների`0,7%, մշակույթի ոլորտի`0.8%, իրավական ու բանկային ծառայությունների`0.9%, կոմունալ ծառայությունների`1%, հանգստի կազմակերպման` 1.1%, կենցաղային ծառայությունների`1.8% թանկացումներոգվ: Միևնույն ժամանակ, էժանացել են` տրանսպորտային ծառայությունների սակագները - 1% (պայմանավորված ավիատոմսերի 4,6% էժանացումով), ինչպես նաև կապի ոլորտի ծառայությունները - 1%: Ուսումնասիրված բոլոր քաղաքներում ծառայությունների սակագներն աճել է 0.1-0.9%, իսկ միայն մայրաքաղաքում` 0,4%: