Չորեքշաբթի, 17 Փետրվարի 2016 19:12

Արմինֆո. Անհրաժեշտության դեպքում Իրանը կարող է մի քանի անգամ ավելացնել Հայաստանին մատակարարվող գազը: Փետրվարի 17-ին կայացած մամուլի ասուլիսում նման կարծիք է հայտնել տնտեսագետ, նախկին պատգամավոր Վարդան Բոստանջյանը:

«Իրանն ունի գազ և այդ ապրանքն իրացնելու խնդիր: Այդ երկրի համար տարբերություն չկա, թե ուր կարտահանվի գազը – Եվրոպայի երկրնե՞ր, թե՞ Հայաստան: Հայաստանի տարբերակը նրանով է լավ, որ տեղափոխման հետ կապված պրոբլեմները վերանում են»,-նմշել է նա:

Հիշեցնենք, որ իրանական National Iranian Gas Export ընկերության կառավարիչ տնօրեն Ալիրեզ Կամելին հայտարարել էր, որ Իրանը դիտարկում է Հայաստանին մատակարարվող գազի ավելացման հնարավորոթյունը: Ներկայումս այն կազմում է տարեկան 1 մլն. խոր. մետր: Իրան-Հայաստան գազատարը բացվել է 2007 թվականին:

2015 թվականի օգոստոսին Հայաստանը և Իրանը պայմանագիր կնքեցին`երրորդ ԷՀԳ կառուցման մասին, որի արժեքը գնահատվում է 107 մլն.եվրո, իսկ երկարությունը կազմում է 275 կմ: Դա թույլ կտա 3 անգամ ավելացնել էլեկտրաէներգիայի մատակարարումն Իրանին, իսկ Իրանը հնարավորություն կստանա միանալ Վրաստանի և Ռուսատսանի էներգահամակարգերին: Իսկ Հայստանի կողմից ստացվող իրանական գազը վերածվում է էլեկտրաէներգիայի և հետ է ուղարկվում Իրան` 1 խոր.մ բնական գազի դիմաց 3 կՎտ էլեկտրաէներգիա հարաբերակցությամբ:

Ըստ ՀՀ Մաքսային ծառայության տվյալների,  2014 թվականին Իրանից Հայաստան է ներմուծվել 383 միլիոն խորանարդ մետր գազ: Ներկայումս Հայաստանի ներքին շուկան ստանում է միայն ռուսական գազ, ինչը կազմակերպվում է «Գազպրոմ Արմենիա» ընկերության կողմից, որի 100-տոկոսանոց սեփականատերն է «Գազպրոմ»-ը: 2015 թվականին Ռուսաստանից Հայաստան է ներմուծվել 1920,9 մլն խ.մ. գազ, ինչը 6,8% պակաս է, քան 2014 թվականին: