ՀՀ Կենտրոնական բանկը չի միջամտում արտարժույթի շուկայում տիրող իրավիճակին և ինտերվենցիաներ չի իրականացնում

Արմինֆո. ՀՀ Կենտրոնական բանկն արդեն մեկ ամիս է, ինչ չի միջամտում արտարժույթի շուկայում տիրող իրավիճակին և ազգային արժույթն արժեզրկումից զսպելու նպատակով ինտերվենցիաներ չի իրականացնում: Այս մասին ԱրմԻնֆո գործակալությանը տեղեկացվել է ՀՀ ԿԲ մամուլի ծառայությունից, հերքելով արտարժույթի շուկայույմ Կենտրոնական բանկի ակտիվացման վերաբերյալ  գործակալության կողմից ավելի վաղ տարածված տեղեկությունները: «ԿԲ-ն ինտերվենցիաներ չի իրականացրել սկսած մարտի 9-ից, իսկ արժութային դիլերների ենթադրությունների վրա կառուցված տեղեկությունները չեն համապատասխանում իրականությանը»,-նշել է ՀՀ ԿԲ:

Հիշեցնենք, որ մարտի 9-ին արժութային հարթակում տեղի ունեցած սակարկությունների ծավալը կազմել էր մոտ 2 մլն.դոլար, ինչի հետևանքով էլ փոխարժեքը մի փոքր ամրապնդվեց` 492 դրամից մինչև 490 դրամ/դոլար: