Երկուշաբթի, 11 Ապրիլի 2016 19:33
Ալինա Հովհաննիսյան

Հայաստանում անշարժ գույքի գներն ընթացիկ տարվա մարտի 1-ի դրությամբ տարեկան կտրվածքով իջել են 0.2%

Հայաստանում անշարժ գույքի գներն ընթացիկ տարվա մարտի 1-ի դրությամբ տարեկան կտրվածքով իջել են 0.2%

Արմինֆո. Հայաստանում անշարժ գույքի միջին շուկայական գներն ընթացիկ տարվա մարտի 1-ի դրությամբ տարեկան կտրվածքով իջել են 0.2%, կազմելով 184.4 հազար դրամ, 1 քառ.մետրի դիմաց, իսկ միայն փետրվարին բնակարանների գներն ընկել են` 0.01%:

«Բարս» անշարժ գույքի գործակալության տնօրեն Մարինա Չատինյանի կարծիքով, Հայաստանի անշարժ գույքի շուկայի ստագնացիան կպահպանվի առնվազն 2 տարի: «Ցավոք, 2016 թվականի կանխատեսումներն մխիթարող չեն: Անշարժ գույքի գործակալությունները, որպես շուկայի մասնագիտացված մասնակիցներ, սպասում են, թե երբ շուկան կհասնի իր նվազագույն կետին, որից հետո միայն հնարավոր է աճ, դանդաղ, աստիճանաբար, բայց` աճ դեպի վեր»,-պարզաբանել է Մ.Չատինյանը: Նա հավելել է, որ շուկայի լճացումը կպահպանվի ստեղծված գլոբալ քաղաքական և տնտեսական իրավիճակի, գործընկեր-երկրների տնտեսությունների, հատկապես Ռուսաստանի, վատթարացման պատճառով, քանի որ դրա հետևանքով կրճատվեց դեպի Հայաստան տրանսֆերտներ ներհոսքը և նվազեցին բնակչության եկամուտները, իսկ այդ ամենին ավելացավ նաև հարևան պետությունների անբարյացակամ վերաբերմունքը:

Ինչպես վկայում են ՀՀ Անշարժ գույքի Կադաստրի պետական կոմիտեի տվյալները, բազմաբնակարան շենքերում բնակարանները մեկ տարում միջին հաշվով էժանացել են 0.26%, մինչև 180 հազար դրամ/քմ: Մասնավորապես, Երևանում բնակարանների միջին գները կազմել են 274.7 հազար դրամ/քմ, տարեկան աճը` 0.23%, իսկ մարզերում` 86.5 հազար դրամ/քմ, տարեկան աճը` 0.28%:

Սակայն, մասնավոր տների գները նվազել են 0.67%, մինչև 188.3 հազար դրամ/քմ, ընդ որում, Երևանում տարեկան կտրվածքով փոփոխություններ չեն արձանագրվել և միջին գինը կազմել է 286.7 հազար դրամ/քմ, իսկ մարզերում գները նվազել են 1.34%, մինչև 89.9 հազար դրամ/քմ: Ընդհանուր առմամբ, Երևանում 1 քմ բնակարանի գինն աճել է 0.12%, մինչև 280.7 հազար դրամ:

Ըստ Կադաստրի, բնակարանների ամենաբարձր գներն արձանագրվել են Երևանի Կենտրոն համայնքում` 428 հազ. դրամ /քմ, առանց տարեկան փոփոխությունների: Այնուհետև հաջորդում են`Արաբկիրը - 356.9 հազար դրամ / քմ, տարեկան աճը`0.08%: Այս համայնքներում ավանդաբար արձանագրվել են նաև մասնավոր տների ամենաբարձր գները, մասնավորապես, Կենտրոն - 476.1 հազար դրամ /քմ, Արաբկիր - 383 հազար դրամ /քմ,  առանց տարեկան փոփոխությունների:

Ամենացածր գներն արձանագրվել են Նուբարաշեն համայնքում` 157.2 հազ.դրամ /քմ (տարեկան աճը`0.35%), իսկ մասնավոր տներում - 150,8 հազար դրամ / քմ (առանց տարեկան փոփոխության):

Մարզերում, մասնավոր տների ամենաբարձր գներն արձանագրվել են Ծաղկաձորում (Կոտայքի մարզ) - 305 հազար դրամ / քմ. (առանց տարեկան փոփոխության): Այնուհետև հաջորդումն են` Աբովյանը (Կոտայքի մարզ) - 157,3 հազար դրամ /քմ (տարեկան աճը`0.2%) և Վաղարշապատը (Արմավիրի մարզ) - 153.1 հազար դրամ / քմ (առանց տարեկան փոփոխության): Իսկ բազմաբնակարան շենքերի բնակարանների գներով մարզերում առաջատարներն են`Ծաղկաձորը - 292.4 հազ. դրամ /քմ (առանց տարեկան փոփոխության), Աբովյանը - 155.1 հազար դրամ / քմ (տարեկան աճը`0,1%) և Վաղարշապատը - 154.2 հազար դրամ / քմ (տարեկան աճը`0,1%): 


Նորություններ


Արտ. փոխարժեքները
18.01.2021
RUB7.03-0.10
USD522.19-0.34
EUR629.92-4.43
GBP706.58-6.20
CAD408.28-3.49
JPY50.31-0.10
CNY80.53-0.32
CHF585.87-2.96



Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000