Երեթշաբթի, 12 Ապրիլի 2016 18:42

Արմինֆո. Ղարաբաղյան հակամարտության գոտում Ադրբեջանի կողմից սանձազերծած ագրեսիան չի անդրադառնա Հայաստանի տնտեսության վրա, լրագրողներին հայտնել է ՀՀ էկոնոմիկայի նախարար Արծվիկ Մինասյանը, ընդգծելով, որ տնտեսական քաղաքականությունում ոչ մի փոփոխություն չի նմախատեսվում:

 

Նրա խոսքով, չնայած ընդհանուր մտահոգությանը, որ ադրբեջանական ագրեսիայի պատճառով Հայաստանը չի կարող ապահովել բյուջեով նախատասված ՀՆԱ աճը, կառավարության կողմից իրականացվող սոցիալ-տնտեսական քաղաքականությունում ոչ մի վերանայում չի լինելու:

 

Նախարարը նշել է, որ հակառակորդին չհաջողվեց հարվածել երկրի տնտեսությանը: Հակառակը, ինչպես նշել է նախարարը, վերջին իրադարձությունների ֆոնի վրա Հայաստանը մեծ ջանքեր է գործադրում տնտեսական աճ ապահովելու ուղղությամբ, ինչն ակնհայտ կլինի տարեվերջին: «Ներկա պահին մենք ակնկալում ենք, որ տարվա արդյունքներով տնտեսական աճը կլինի ավելի քան 3%»,-ասել է նախարարը:

 

Հիշեցնենք, որ, ըստ ՀՀ պետական բյուջեի, ՀՆԱ-ի աճը Հայաստանում 2016 թվականին նախատեսվում է 2.2%: Համաշխարհային բանկը կանխատեսմամբ Հայաստանում ՀՆԱ աճն ակնկալվում է2.5%: ՎԶԵԲ-ը կանխատեսում է 2% աճ: Ըստ ՀՀ Կենտրոնական բանկի 2015 թվականի չորրորդ եռամսյակի Դրամավարկային քաղաքականության ծրագրի, ՀՆԱ-ի 2016 թվականի աճը կանխատեսվում է 1,6-2,7%: ՀՀ պետական բյուջեով 2016 թվականի համար ՀՆԱ աճն ամրագրված է`2.2%: Ըստ ՀՀ Ազգային վիճակագրական ծառայության տվյալների, Հայաստանի ՀՆԱ-ի աճը 2015 թ. կազմել է 3%, 2014-ի 3,5%-ի համեմատ: